পেৰিছ অলিম্পিকত কৃতিত্ব : বৃদ্ধি পালে নীৰজ চোপ্ৰাৰ ব্ৰেণ্ড মূল্য - Olympic Medallist Neeraj Chopra

Neeraj Chopra brand value : ভাৰতৰ গ’ল্ডেন বয় হিচাপে জনাজাত নীৰজ চোপ্ৰাৰ ব্ৰেণ্ড মূল্য সম্প্ৰতি শীৰ্ষত আছে । পেৰিছ অলিম্পিকত ৰূপৰ পদক লাভ কৰাৰ পিচত তেওঁৰ ব্ৰেণ্ড মূল্য বৃদ্ধি পাইছে ৷ নীৰজৰ ব্ৰেণ্ড মূল্য কিমান বৃদ্ধি হ’ল জানিবলৈ পঢ়ক আমাৰ বিস্তৃত প্ৰতিবেদন---

স্প’ৰ্টছ ডেস্ক, 17 আগষ্ট:সদ্য সমাপ্ত পেৰিছ অলিম্পিক 2024 ত ৰূপৰ পদক লাভ কৰাৰ পাচত ‘গোল্ডেন বয়’ হিচাপে জনাজাত নীৰজ চোপ্ৰাই একেৰাহে দ্বিতীয়টো পদক লাভ কৰা প্ৰথমজন ভাৰতীয় ট্ৰেক এণ্ড ফিল্ড এথলীট হিচাপে পৰিগণিত হৈছে ।

যদিও নীৰজে 2020 চনৰ টকিঅ’ অলিম্পিকত লাভ কৰাৰ দৰে স্বৰ্ণ পদক লাভ কৰিব নোৱাৰিলে, তথাপিও ভাৰতীয় জেভেলিন থ্ৰ’ৱাৰগৰাকীয়ে চলিত অলিম্পিকত সৰ্বোত্তম প্ৰদৰ্শন আগবঢ়াই 89.45 মিটাৰ থ্ৰ’ৰে ৰূপৰ পদক লাভ কৰি দেশলৈ সুনাম কঢ়িয়াই আনে ।

এই ঐতিহাসিক কৃতিত্বই চোপ্ৰাক ভাৰতৰ সৰ্বশ্ৰেষ্ঠ ট্ৰেক এণ্ড ফিল্ড এথলীট হিচাপে মৰ্যাদা প্ৰদান কৰাই নহয়, তেওঁৰ ব্ৰেণ্ড মূল্যও যথেষ্ট বৃদ্ধি কৰিছে, যাৰ ফলত তেওঁ সকলো ব্ৰেণ্ডৰ বাবে আটাইতকৈ প্ৰিয় ভাৰতীয় ক্ৰীড়া আইকন হিচাপেও পৰিগণিত হৈছে ।

বছৰ বছৰ ধৰি এছিয়ান গেমছ, ৱৰ্ল্ড চেম্পিয়নশ্বিপ, কমনৱেলথ গেমছ আৰু ডাইমণ্ড লীগত জয়লাভ কৰি ট্ৰেক এণ্ড ফিল্ডত ধাৰাবাহিকভাৱে উৎকৃষ্টতা প্ৰদৰ্শন কৰা নীৰজে ভিছা, চেমচাং, ওমেগা, আণ্ডাৰ আৰ্মাৰ, কোকাকোলা, ২০১৯ৰ দৰে বিশ্বব্যাপী ব্ৰেণ্ডৰ সৈতে জড়িত হৈ আছে। ব্ৰিটেনিয়া আৰু ভাৰত পেট্ৰলিয়াম আদি বিখ্যাত ব্ৰেণ্ডৰ শীৰ্ষ পৰ্যায়ৰ এম্বেছাদৰ হৈ আহিছে ।

ইয়াৰ উপৰিও পেৰিছত তেওঁৰ ঐতিহাসিক কৃতিত্বৰ ফলত বাণিজ্যিক মূল্য 40-50% বৃদ্ধি পাইছে । অটোমোবাইল, বেংকিং, লজিষ্টিক, ৰিয়েল এষ্টেট আৰু দ্ৰুত কমাৰ্চকে ধৰি বিভিন্ন খণ্ডৰ আগশাৰীৰ ব্ৰেণ্ডসমূহে নীৰজৰ সৈতে অংশীদাৰিত্ব কৰিবলৈ আগ্ৰহ প্ৰকাশ কৰিছে ।

পেৰিছৰ পিছত নীৰজৰ ব্ৰেণ্ড মূল্যৰ বিষয়ে জনায় জে এছ ডব্লিউ স্প’ৰ্টছৰ মুখ্য বাণিজ্যিক বিষয়া কৰণ যাদৱে কয়, "নীৰজ ভাৰতৰ আটাইতকৈ আইকনিক এথলীট । ধাৰাবাহিকভাৱে অলিম্পিকত তেওঁ স্বৰ্ণ আৰু ৰূপৰ পদক লাভ কৰিছে । বিশ্বৰ আন আন ডাঙৰ ডাঙৰ ইভেণ্টতো তেওঁ ধাৰাবাহিকভাৱে ভাল প্ৰদৰ্শন কৰি আছে । নীৰজৰ বিশ্বব্যাপী আবেদন আছে আৰু যদি আপুনি তেওঁৰ প্ৰদৰ্শনক তেওঁৰ নম্ৰ ব্যক্তিত্বৰ সৈতে সংযুক্ত কৰে, তেন্তে তেওঁৰ সমতুল্য কোনো এজন নোলাব ।"

যাদৱে পুনৰ কয়, "পেৰিছ অলিম্পিক 2024 ৰ পূৰ্বে তেওঁৰ এণ্ডাৰছমেণ্ট মাচুল প্ৰিমিয়ামত আছিল । পেৰিছত তেওঁ ৰূপৰ পদক লাভ কৰাৰ পাচত তেওঁ ভাৰতৰ এতিয়ালৈকে সৰ্বশ্ৰেষ্ঠ ব্যক্তিগত অলিম্পিয়ান হিচাপে পৰিগণিত কৰাৰ লগতে তেওঁৰ বাণিজ্যিক মূল্য আৰু অধিক বৃদ্ধি হৈছে । আমি অনাগত সপ্তাহত একাংশ চুক্তি বন্ধ কৰিম বুলি চিন্তা কৰিছো ।"

লগতে পঢ়ক:ইংগুইনেল হাৰ্নিয়া কি ? যি ৰোগত ভুগিছে অলিম্পিকৰ পদক বিজয়ী নীৰজ চোপ্ৰা - Neeraj Chopra