স্প’ৰ্টছ ডেস্ক, ১৭ ছেপ্টেম্বৰ :প্ৰতিমাহে আন্তৰ্জাতিক ক্ৰিকেট পৰিষদে ক্ৰিকেট খেলুৱৈসকলৰ ৰেংকিং প্ৰকাশ কৰে । আই চি চি ৰেংকিঙত কোনো খেলুৱৈয়ে যদি ১ শীৰ্ষস্থান লাভ কৰে, কোনোৱে আকৌ তালিকাত ১০ নম্বৰলৈ অৱনমন ঘটে । খেলুৱৈসকলে লাভ কৰা পইণ্ট অনুসৰি তালিকাত ১ নম্বৰৰ পৰা ক্ৰমান্বয়ে ৰেংক নিৰ্ধাৰণ কৰা হয় । কিন্তু আপুনি জানেনে আই চি চিয়ে কিহৰ ভিত্তিত এই ৰেংকিং প্ৰস্তুত কৰি প্ৰকাশ কৰে ? ইয়াত এই সকলো বিষয় উল্লেখ কৰা হৈছে ।
আই চি চি ৰেংকিং হৈছে এক পইণ্ট তালিকা, য'ত বিশ্বৰ শীৰ্ষ ক্ৰিকেটাৰসকলক পইণ্টৰ ভিত্তিত ০ নম্বৰৰ পৰা আৰম্ভ কৰি ১০০০ নম্বৰলৈ স্থান দিয়া হৈছে । এই ক্ষেত্ৰত সৰ্বাধিক পইণ্ট লাভ কৰা ক্ৰিকেটাৰজন প্ৰথম স্থানত থাকে । আনহাতে, নিম্নতম পইণ্ট লাভ কৰাজন তালিকাৰ নিম্নতম স্থানত থাকে । খেলুৱৈসকলৰ প্ৰদৰ্শনৰ ভিত্তিত পইণ্ট নিৰ্ধাৰণ কৰা হয় ।
যদি এজন ক্ৰিকেটাৰে তেওঁৰ পূৰ্বৱৰ্তী মাহ বা বছৰতকৈ পৰৱৰ্তী মাহ বা বছৰবোৰত ভাল প্ৰদৰ্শন কৰে, তেনেহ'লে তেওঁৰ পইণ্ট বৃদ্ধি হয় আৰু ৰেংকিঙত আৰোহণ হয় । ইয়াৰ বিপৰীতে যদি খেলুৱৈজনৰ প্ৰদৰ্শন পূৰ্বৰ তুলনাত হ্ৰাস পায়, তেন্তে তেওঁ কম পইণ্টেৰে তালিকাত অৱনমন ঘটে ।
প্ৰতিখন মেচত খেলুৱৈ এগৰাকীৰ প্ৰদৰ্শনৰ ওপৰত ভিত্তি কৰি তেওঁৰ প্ৰদৰ্শন এক এলগৰিথিম ব্যৱহাৰ কৰি গণনা কৰা হয় আৰু তাৰ ভিত্তিত খেলুৱৈজনক পইণ্টৰ দ্বাৰা মূল্যাংকন কৰা হয় । পইণ্ট গণনা কৰাৰ মাপকাঠি পৃথক হয় । বিভিন্ন পৰিস্থিতিৰ পৰিপ্ৰেক্ষিতত খেলুৱৈজনক পইণ্ট দিয়া হয় ।
উদাহৰণ স্বৰূপে, দলটোৰ বাবে গুৰুত্বপূৰ্ণ সময়ত অৱদান আগবঢ়োৱাৰ বাবে অধিক পইণ্ট দিয়া হয় । অৰ্থাৎ পৰাজয়ৰ গৰাহত পৰা মেচ এখন যদি খেলুৱৈজনে ৰাণ সংগ্ৰহ কৰি বা উইকেট দখল কৰি বিজয়ীৰ দিশলৈ লৈ যায়, তেন্তে তেওঁ বোনাচ পইণ্ট লাভ কৰে ।
বেটছমেনসকলৰ ৰেংকিং ইয়াৰ ওপৰত ভিত্তিত কৰি কৰা হয়
বেটছমেনজনে কিমান ৰাণ সংগ্ৰহ কৰিছে তাৰ ওপৰত ভিত্তি কৰি মূল্যাংকন কৰা হয়, যাৰ দ্বাৰা তেওঁক পইণ্ট লাভ কৰে
আউট নোহোৱাকৈ থকা খেলুৱৈক বোনাচ পইণ্ট প্ৰদান কৰা হয়
বিপক্ষ দলৰ বলিং যিমানে শক্তিশালী হ'ব, বেটছমেনজনে সিমানে অধিক পইণ্ট পাব
প্ৰথম ইনিংছতকৈ দ্বিতীয় ইনিংছত অধিক ৰাণ কৰাজনে অধিক পইণ্ট অৰ্জন কৰিব
