স্প’ৰ্টছ ডেস্ক: এ চি চি ইমাৰ্জিং টীম এছিয়া কাপ 2024 ৰ খিতাপ দখল কৰি ইতিহাস ৰচনা কৰিছে আফগানিস্তান এ-য়ে । প্ৰতিযোগিতাখনৰ ফাইনেলত আফগানিস্তানৰ বিৰুদ্ধে 7 উইকেটত পৰাস্ত হয় শ্ৰীলংকা ।
ইয়াৰ পূৰ্বে ছেমি ফাইনেলত ইণ্ডিয়া এ-ক পৰাস্ত কৰি বৃহৎ অঘটন সংঘটিত কৰিছিল আফগানিস্তান এ-য়ে ৷ দলটোৱে প্ৰথমবাৰৰ বাবে ফাইনেলত শ্ৰীলংকাক পৰাস্ত কৰি দখল কৰে খিতাপ ।
জয়ৰ বাবে আফগানিস্তানক 134 ৰাণৰ লক্ষ্য বান্ধি দিয়ে শ্ৰীলংকাই ৷ আফগান দলটোৱে 18.1 অভাৰত 3 টা উইকেট হেৰুৱাই নিৰ্দিষ্ট লক্ষ্যত উপনীত হয় ৷
আফগানিস্তানৰ হৈ অ’পেনাৰ ছেদিকুল্লা হ'ল আটালে 55 টা বলত সৰ্বাধিক 55 ৰাণ সংগ্ৰহ কৰি অপৰাজিত হৈ ৰয় । বেটছমেনগৰাকীৰ ইনিংছটোত আছিল 3 টা চাৰি আৰু এটা ছয় ৷ আনহাতে, কৰিম জন্নাটে 27 টা বলত 3 টা ছয়ৰে 33 ৰাণ সংগ্ৰহ কৰে । দৰৱেশ ৰছুলীয়ে 20 টা বলত 24 ৰাণৰ বৰঙণি আগবঢ়ায় ।