ইণ্টাৰনেশ্যনেল ডেস্ক, 5 এপ্ৰিল:বোমা বিস্ফোৰণত ছিৰিয়াৰ আল কায়দাৰ সৈতে জড়িত মূল গোটটোৰ সহ-প্ৰতিষ্ঠাপকক হত্যা কৰা হয় ৷ ইটো এসময়ত নুছৰা ফ্ৰণ্ট নামেৰে পৰিচিত আছিল ৷ বৃহস্পতিবাৰে বিয়লি উত্তৰ-পশ্চিম ছিৰিয়াত আত্মঘাতী বোমাৰু বিস্ফোৰকে বিস্ফোৰণ ঘটাই উত্তৰ-পশ্চিমৰ বহু অংশ নিয়ন্ত্ৰণ কৰা দেশখনৰ মূল আল কায়দাৰ সৈতে জড়িত গোটটোৰ সহ-প্ৰতিষ্ঠাপকক হত্যা কৰে বুলি যুদ্ধ নিৰীক্ষকে জনায় ।
একাংশ কৰ্মীয়ে বিস্ফোৰণৰ উৎসক লৈ বিতৰ্ক কৰি কয় যে ইয়াৰ পৰিৱৰ্তে দূৰৈৰ পৰা ৰিম’টৰ দ্বাৰা বিস্ফোৰণ কৰা বোমাত আবু মাৰিয়া আল-কাহতানীৰ মৃত্যু হয় ৷ যাৰ প্ৰকৃত নাম মায়ছাৰা আল-জুবুৰী । আল-কাহতানীয়ে ছিৰিয়াত নুছৰা ফ্ৰণ্টৰ সহ-প্ৰতিষ্ঠাপক আছিল, যিটো উগ্ৰপন্থী গোটে পিছলৈ নিজৰ নাম সলনি কৰি হায়াত তাহৰিৰ আল-শ্বাম ৰাখিছিল আৰু আল কায়দাৰ সৈতে সম্পৰ্ক বিচ্ছিন্ন কৰা বুলি দাবী কৰিছিল ।
ব্ৰিটেইনস্থিত অবজাৰ্ভেটৰী ফৰ হিউমেন ৰাইটছৰ তথ্য অনুসৰি স্থলভাগত কৰ্মীৰ নেটৱৰ্ক থকা যুদ্ধ নিৰীক্ষক আত্মঘাটী বোমাৰুটোৱে ইডলিব প্ৰদেশৰ ছাৰ্মাদা চহৰৰ আল-কাহতানিৰ অতিথিশালাত সন্ধিয়া দেৰিকৈ প্ৰৱেশ কৰি বিস্ফোৰণ ঘটায় ।
উত্তৰ-পশ্চিম ছিৰিয়াৰ সৰু এনক্লেভটোৱেই হৈছে দেশখনৰ বিদ্ৰোহীৰ অধীনস্থ শেষ ভূ-খণ্ড । হায়াত তাহৰিৰ আল-ছামে উত্তৰ-পশ্চিম ইডলিব প্ৰদেশ নিয়ন্ত্ৰণ কৰাৰ বিপৰীতে তুৰস্ক সমৰ্থিত বিৰোধী গোটে উত্তৰ আলেপ্পো প্ৰদেশ নিয়ন্ত্ৰণ কৰে । ইডলিব আৰু আলেপ্পো প্ৰদেশত বাস কৰা 45 লাখ লোকৰ অধিকাংশই জীয়াই থাকিবলৈ মানৱীয় সাহায্যৰ ওপৰত নিৰ্ভৰশীল আৰু প্ৰায় আধা সংখ্যক লোকে স্থানচ্যুত শিবিৰত বাস কৰে ৷