নৱবৰ্ষত নিজকে সুস্থ ৰাখিবলৈ কৰক এই ৩টা পৰিৱৰ্তন

যদি আপুনি নতুন বৰ্ষত এটি সুস্থ জীৱনশৈলী মানি চলিব বিচাৰিছে তেন্তে আপোনাৰ খাদ্যাভ্যাসত কৰক এই ৩টা পৰিৱৰ্তন-

Healthy lifestyle: নতুন বছৰে কঢ়িয়াই আনে নতুন আৰম্ভণিৰ বাৰ্তা, আৰু এইটোৱেই হৈছে নিজকে উন্নত কৰাৰ উপযুক্ত সময় । আমাৰ বেছিভাগেই উন্নত স্বাস্থ্যৰ বাবে নতুন পৰিকল্পনা কৰে, কিন্তু প্ৰায়ে সঠিক খাদ্যাভ্যাসক আওকাণ কৰোঁ । যদি আপুনিও ২০২৫ চনত নিজকে সুস্থ তথা শক্তিশালী হিচাপে গঢ়ি তুলিব বিচাৰে তেন্তে আপোনাৰ খাদ্যাভ্যাসত কৰক এই ৩টা পৰিৱৰ্তন-

এই অভ্যাসবোৰ কৰক গ্ৰহণ

১) জাংক ফুডক দিয়ক বিদায়

জাংক ফুড সেৱন আজি এক সাধাৰণ কথা হৈ পৰিছে । খাবলৈ সোৱাদযুক্ত হ’লেও ইহঁতত পুষ্টিকৰ উপাদানৰ যথেষ্ট কমকৈ আছে । এইবোৰত থকা অতিৰিক্ত চেনি, ট্ৰান্স ফেট আৰু ছডিয়ামে আমাৰ শৰীৰত মেদবহুলতা, ডায়েবেটিছ আৰু হৃদৰোগৰ সৃষ্টি কৰে । নতুন বছৰত বাহিৰৰ পৰা ভজা আৰু প্ৰচেছড খাদ্য খোৱা কম কৰিবলৈ চেষ্টা কৰক । তাৰ পৰিৱৰ্তে সুষম ঘৰতে বনোৱা খাদ্য খোৱাৰ অভ্যাস কৰক ।

জাংক ফুডক দিয়ক বিদায় (ETV Bharat)

২) উপযুক্ত পৰিমাণে পানী খাওক

আমাৰ বহুতেই পৰ্যাপ্ত পৰিমাণে পানী নাখায়, যাৰ ফলত শৰীৰটো ডিহাইড্ৰেচনত ভুগে । পানীয়ে আমাৰ শৰীৰৰ পৰা বিষাক্ত পদাৰ্থ বাহিৰ কৰি পেলোৱাত সহায় কৰে, হজম শক্তি বৃদ্ধি কৰে আৰু ছালখনক উজ্জ্বল কৰি ৰখাত সহায় কৰে । নতুন বছৰত দিনটোত কমেও ৮-১০ গিলাচ পানী খোৱাৰ অভ্যাস গঢ়ি তোলক । যদি আপুনি পানী খাবলৈ পাহৰি যায় তেন্তে আপোনাৰ ফোনত এটা ৰিমাইণ্ডাৰ ছেট কৰক ।

উপযুক্ত পৰিমাণৰ পানী খাওক (ETV Bharat)

৩) ৰাতিৰ আহাৰ লঘু আৰু সময় মতে খালে

গধুৰ আৰু পলমকৈ খালে পাচনতন্ত্ৰত অতি বেয়া প্ৰভাৱ পৰে । ইয়াৰ ফলত এচিডিটি, মেদবহুলতা আৰু টোপনিৰ সমস্যা হ’ব পাৰে । ২০২৫ চনত এটা নিয়ম বনাওক যে ৰাতিৰ আহাৰ লঘু, পুষ্টিকৰ হ’ব লাগে আৰু শুবলৈ যোৱাৰ পূৰ্বে ২-৩ ঘণ্টা আগতে খাব লাগে । ইয়াৰ বাবে আপুনি দালি, শাক-পাচলি, চালাড আৰু চূপৰ দৰে বিকল্প বাছি ল’ব পাৰে ।

ৰাতিৰ আহাৰ লঘু আৰু সময় মতে খালে (ETV Bharat)

দূৰ হ’ব ৰোগ

নতুন বছৰত আপোনাৰ স্বাস্থ্যক অগ্ৰাধিকাৰ দিয়াৰ এক ভাল সুযোগ আছে । এই ৩টা সহজ কিন্তু ফলপ্ৰসূ অভ্যাস গ্ৰহণ কৰিলে আপুনি কেৱল ৰোগৰ পৰা আঁতৰি থকাই নহয়, উন্নত আৰু সুস্থ জীৱনশৈলীও মানি চলিব পাৰে । গতিকে এই বছৰ আপোনাৰ প্লেটত পৰিৱৰ্তন আনি সুস্থ জীৱনৰ দিশে আগবাঢ়ি যাওক ৷

(সতৰ্কীকৰণ: এই প্ৰতিবেদনত আপোনাক দিয়া সকলো স্বাস্থ্য তথা জীৱনশৈলী সম্পৰ্কীয় যিকোনো তথ্য আৰু পৰামৰ্শ কেৱল আপোনাৰ সাধাৰণ তথ্যৰ বাবেহে আগবঢ়োৱা হৈছে । আমি এই তথ্য বৈজ্ঞানিক গৱেষণা, অধ্যয়ন, চিকিৎসা আৰু স্বাস্থ্য পেছাদাৰী পৰামৰ্শৰ ভিত্তিত প্ৰদান কৰিছো । আপুনি এই উপায় বা পদ্ধতি অনুসৰণ কৰাৰ আগতে এই বিষয়ে বিতংভাৱে জনাটো উচিত তথা আপোনাৰ ব্যক্তিগত চিকিৎসকৰ পৰামৰ্শ গ্ৰহণ কৰাটো উচিত ।)

লগতে পঢ়ক