চিটাৰা ডেস্ক, ২০ মাৰ্চ: বলীউডৰ পৰা টলীউডলৈকে বহু তাৰকাই অংশগ্ৰহণ কৰে আমাজন প্ৰাইম ভিডিঅ’ ২০২৪ৰ খিতাপ ঘোষণা অনুষ্ঠানত । শ্বাহিদ কাপুৰ আৰু বিজয় দেৱেৰাকোণ্ডাইও এই অনুষ্ঠানত অংশগ্ৰহণ কৰে । এতিয়া ছ’চিয়েল মিডিয়াত ভাইৰেল হৈ পৰিছে দুয়োগৰাকী তাৰকাৰ এটা ভিডিঅ’। এই ভিডিঅ’টোত শ্বাহিদ কাপুৰে দক্ষিণৰ ছুপাৰষ্টাৰ বিজয় দেৱেৰাকোণ্ডাক চুমা খোৱা দেখা গৈছে । লগতে অভিনেতাগৰাকীয়ে বিজয়ক ধন্যবাদ জনাইছে ।
ভাইৰেল হোৱা ভিডিঅ’টোত শ্বাহিদ কাপুৰক বিজয় দেৱেৰাকোণ্ডা আৰু মৃণাল ঠাকুৰৰ সৈতে মঞ্চত দেখা গৈছে । এই সময়ছোৱাত শ্বাহিদে বিজয়ৰ কান্ধত মূৰটো ৰাখি কয়, ‘‘তোমাক বহুত মৰম দিব লাগিব । অৰ্জুন ৰেড্ডী বনোৱা নহ’লে, কবীৰ সিঙৰ জন্মও নহ’লহেঁতেন । ধন্যবাদ বিজয় ।’’ ইয়াৰ পিচত শ্বাহিদ কাপুৰে বিজয় দেৱেৰাকোণ্ডাৰ কপালত চুমা খায় ।
‘অৰ্জুন ৰেড্ডী’ৰ পুনৰ্নিৰ্মাণ আছিল ‘কবীৰ সিং’
উল্লেখ্য যে, ২০১৯ চনত মুক্তি পোৱা শ্বাহিদ কাপুৰৰ ‘কবীৰ সিং’ ছবিখন আছিল সন্দীপ ৰেড্ডী ভাংগাৰ 'অৰ্জুন ৰেড্ডী'ৰ হিন্দী ৰিমেক । অৰ্জুন ৰেড্ডী ছবিখনত মুখ্য চৰিত্ৰত অভিনয় কৰিছিল বিজয় দেৱেৰাকোণ্ডা আৰু শালিনী পাণ্ডেই । শ্বাহিদ কাপুৰ আৰু কিয়াৰা আদৱানীক ‘কবীৰ সিং’ ছবিখনত মুখ্য চৰিত্ৰত দেখা গৈছিল । শ্বাহিদ কাপুৰ অভিনীত ২০১৯ চনৰ অন্যতম বৃহৎ ব্লকবাষ্টাৰ ছবি আছিল ‘কবীৰ সিং’ ।
এই কাৰণতে শ্বাহিদে বিজয়ক জনালে ধন্যবাদ
শ্বাহিদ কাপুৰে আৰু বিজয়ক এটা প্ৰশ্ন কৰে । তেওঁ সোধে, ‘‘এতিয়া যেতিয়া আপুনি ইয়াত আছে আৰু আমি সকলোৱে অৰ্জুন ৰেড্ডীৰ বিষয়ে জানো, তেতিয়া মই আপোনাক এটা সাধাৰণ প্ৰশ্নহে সুধিব বিচাৰিছো, অৰ্জুন ৰেড্ডী কেনেকৈ ফেমিলী মেন হ’ল ? ।’’ এই কথাত বিজয়ে নিৰ্মাতাসকলৰ ফালে চাই উত্তৰ দিলে, ‘‘ চিত্ৰনাট্য ভাল লাগিল, গতিকে বাছি লৈছিলো ।’’
লগতে পঢ়ক:১৪ বছৰৰ পাচত কেৰালালৈ গ’ল থালাপতী বিজয়, অনিয়ন্ত্ৰিত হৈ পৰিল অনুৰাগীৰ ভিৰ
