চিটাৰা ডেস্ক, 2 ছেপ্টেম্বৰ : টিভি জগতৰ তাৰকা সিদ্ধাৰ্থ শুক্লা আমাৰ মাজৰ পৰা নোহোৱা হোৱা আজি তিনি বছৰ হ’ল ৷ 2021 চনৰ 2 ছেপ্টেম্বৰৰ নিশা হঠাৎ মৃত্যু ঘটে অভিনেতাজনৰ । অভিনেতাজনে পুৱতি নিশা 3 বজাত মাকক পানী বিচাৰিছিল খাবলৈ আৰু সেই উঠাই তেওঁৰ শেষ উঠা আছিল ৷ ৰাতিপুৱা আৰু সাৰ নাপালে তেওঁ । জানিব পৰা অনুসৰি অভিনেতাজনৰ হৃদৰোগত আক্ৰান্ত হৈ মৃত্যু ঘটিছিল । এই খবৰটো বিয়পি পৰাৰ লগে লগে সকলো অবাক হৈ পৰিছিল ৷ সিদ্ধাৰ্থৰ মৃত্যুৰ খবৰ মানি ল’বলৈ কষ্ট হৈছিল সকলোৰে ৷
সিদ্ধাৰ্থ শুক্লাৰ প্ৰতিজন অনুৰাগীয়ে সেইদিনা বহুত কান্দিছিল । তেওঁৰ মৃত্য়ুত যেন বহুত কিবাকিবি আধৰুৱা হৈ ৰ’ল ৷ বিগ বছ 13 ত সিদ্ধাৰ্থে পাঞ্জাবী কণ্ঠশিল্পী তথা অভিনেত্ৰী শ্বেহনাজ গীলক লগ পাইছিল । শ্ব’টোত দুয়ো বহুত ঘনিষ্ঠ হৈ পৰিছিল ৷ দুয়োৰে মাজত প্ৰেম জাগি উঠিছিল । শ্বেহনাজ আৰু সিদ্ধাৰ্থৰ প্ৰেম কাহিনী সেই সময়ত চৰ্চাৰ বিষয় আছিল ৷ সিদ্ধাৰ্থৰ মৃত্যুৰ পিচত শ্বেহনাজ শোকত ম্ৰিয়মাণ হৈ পৰিছিল ৷ আজি তৃতীয় মৃত্যু বাৰ্ষিকীত অভিনেতা সিদ্ধাৰ্থ শুক্লা ছ’চিয়েল মিডিয়া প্লেটফৰ্ম এক্সত ট্ৰেণ্ড কৰি আছে ।
সিদ্ধাৰ্থ শুক্লাৰ স্মৃতিয়ে খেদি ফুৰিছে অনুৰাগীক