মুক্তিৰ প্ৰথম দিনাই মিষ্টাৰ এণ্ড মিচেছ মাহীয়ে জিনিলে দৰ্শকৰ হৃদয় : প্ৰথম দিনাৰ সংগ্ৰহ কিমান ? - Mr and Mrs Mahi box office Day 1

Mr and Mrs Mahi box office Day 1: ৰাজকুমাৰ ৰাও আৰু জাহ্নৱী কাপুৰ অভিনীত ছবি মিষ্টাৰ এণ্ড মিচেছ মাহীয়ে ইয়াৰ খৰচ অনুযায়ী বক্স অফিচত কিমান উপাৰ্জন কৰিবলৈ সক্ষম হ’ল জানেনে ?

চিটাৰা ডেস্ক, 1 জুন: ৰাজকুমাৰ ৰাও আৰু জাহ্নৱী কাপুৰ অভিনীত ৰোমান্টিক ছবি মিষ্টাৰ এণ্ড মিচেছ মাহীয়ে বক্স অফিচত ভাল প্ৰদৰ্শন দেখুওৱাবলৈ সক্ষম হৈছে ৷ ৩১ মে’ত বিশ্বজুৰি মুক্তি লাভ কৰিছিল ছবিখনে ৷ মিষ্টাৰ এণ্ড মিচেছ মাহী ছবিৰ জৰিয়তে প্ৰথমবাৰৰ বাবে ৰূপালী পৰ্দাত দেখা গৈছে ৰাজকুমাৰ ৰাও আৰু জাহ্নৱী কাপুৰক ৷ কৰণ জোহৰৰ ধৰ্মা প্ৰডাকচনৰ বেনাৰত নিৰ্মিত মিষ্টাৰ এণ্ড মিচেছ মাহী ছবিখনে মুকলিৰ দিনটোৰ পৰা এতিয়ালৈকে কিমান উপাৰ্জন কৰিছে এবাৰ চাও আহক-

মিষ্টাৰ আৰু মিচেছ মাহীৰ মুকলি সংগ্ৰহ

শৰণ শৰ্মাৰ পৰিচালনাৰে মিষ্টাৰ এণ্ড মিচেছ মাহী এখন ৰোমান্টিক ক্ৰীড়া ছবি ৷ ছবিখনৰ বাবে মুকলিৰ দিনা হিন্দী বেল্টৰ চিনেমাগৃহত ৫৬.১৫ শতাংশ দখলৰ ৰেকৰ্ড কৰা হৈছিল ৷ মিষ্টাৰ এণ্ড মিচেছ মাহী ছবিখনে মুকলিৰ দিনা ঘৰুৱা বক্স অফিচত ৬.৮৫ কোটি টকাৰ নেট সংগ্ৰহ সংগ্ৰহ কৰিবলৈ সক্ষম হৈছে ৷ কৰণ জোহৰে তেওঁৰ ধৰ্মা প্ৰডাকচনৰ অফিচিয়েল ইনষ্টাগ্ৰাম একাউণ্টত ছবিখনৰ মুকলি দিনৰ সংকলন ইতিমধ্যে শ্বেয়াৰ কৰিছে ৷

মিষ্টাৰ এণ্ড মিচেছ মাহীৰ বিষয়ে

মিষ্টাৰ এণ্ড মিচেছ মাহী এখন ৰোমান্টিক ক্ৰীড়া ছবি, যিখন টীম ইণ্ডিয়াৰ প্ৰাক্তন অধিনায়ক এম এছ ধোনিৰ জীৱনৰ আধাৰত নিৰ্মিত বুলি কোৱা হয় যদিও ছবিখনৰ কাহিনীভাগ ধোনিৰ জীৱনৰ লগত ক’তো মিল নাই ৷ বাৰু, ৪০ কোটি টকাৰ বাজেটেৰে নিৰ্মিত ছবিখনে ভাল অপেনিং কৰিবলৈ সক্ষম হৈছে ৷ এতিয়া লক্ষ্যণীয় যে, প্ৰথম উইকেণ্ডত মিষ্টাৰ আৰু মিচেছ মাহীয়ে ইয়াৰ খৰচৰ আধাখিনি উপাৰ্জন কৰিব পাৰিব নে নোৱাৰে সেয়া পৰৱৰ্তী দিনসমূহতহে গম পোৱা যাব ৷

লগতে পঢ়ক:মিষ্টাৰ এণ্ড মিচেছ মাহীয়ে মুহিলে নেটিজেনক - Rajkummar Janhvi movie together