পিতৃ দিৱসৰ বিশেষ দিনটোত পিতৃ-মাতৃৰ সৈতে উপভোগ কৰক এইকেইখন বিশেষ ছবি - HAPPY FATHERS DAY 2024

Father's Day 2024: আজি অৰ্থাৎ ১৬ জুন তাৰিখটো পিতৃ দিৱস হিচাপে পালন কৰা হয় । এই দিনটোক বিশেষ কৰি তুলিবলৈ আপুনি আপোনাৰ পিতৃৰ সৈতে এই ৭ খন বলীউডৰ অন্যতম শ্ৰেষ্ঠ ছবি একেলগে উপভোগ কৰিব পাৰে । এই ছবিবোৰত পিতৃ আৰু সন্তানৰ মাজৰ বান্ধোন বিভিন্ন ধৰণেৰে দেখুওৱা হৈছে আৰু ই বহু শিক্ষাও প্ৰদান কৰে ।

চিটাৰা ডেস্ক, 17 জুন: প্ৰতিবছৰে জুন মাহৰ তৃতীয়টো দেওবাৰ পিতৃসকলৰ বাবে উৎসৰ্গা কৰা হয় ৷ যিটো দিন আমি পিতৃ দিৱস হিচাপে পালন কৰো । প্ৰতিগৰাকী পিতৃৰ মৰম আৰু ত্যাগৰ বাবে আমি ধন্যবাদ জনাবলৈ এই বিশেষ দিনটো পালন কৰো ৷ এই দিনটোক বিশেষ কৰি তুলিবলৈ আপুনি আপোনাৰ পিতৃৰ সৈতে এইকেইখন বলীউডৰ অন্যতম শ্ৰেষ্ঠ চিনেমা চাব পাৰে ৷

এই ছবিবোৰত পিতৃ-সন্তানৰ মাজৰ বান্ধোন বিভিন্ন ধৰণেৰে অতি সুন্দৰভাৱে দেখুওৱা হৈছে আৰু এই ছবিবোৰে বহু শিক্ষাও প্ৰদান কৰে ৷ তেনেহ’লে চাও আহক এই ছবিকেইখন নো কি কি-

অংগৰেজী মিডিয়াম

২০২০ চনত মুক্তি লাভ কৰা এই ছবিখনত ইৰফান খান আৰু ৰাধিকা মদনে পিতৃ-কন্যাৰ চৰিত্ৰত অভিনয় কৰিছিল ৷ এই ছবিখনত কৰীণা কাপুৰৰো গুৰুত্বপূৰ্ণ ভূমিকা আছিল ৷ কন্যাৰ সপোন, হাঁহি আৰু সুখ পূৰণৰ বাবে যৎপৰোনাস্তি চেষ্টা কৰা পিতৃৰ কাহিনী এই ছবিখনৰ জৰিয়তে দেখুওৱা হৈছে ৷ এই ছবিখনৰ কাহিনী অতি হৃদয়স্পৰ্শী ৷

অংগৰেজী মিডিয়াম (ETV Bharat)

দংগল

২০১৬ চনত মুক্তি পোৱা এই বায়’পিক ছবিখনত আমিৰ খানে মল্লযুঁজাৰু মহাবীৰ ফ’গাটৰ চৰিত্ৰত অভিনয় কৰিছিল, যিয়ে সমাজ আৰু আত্মীয়-স্বজন নিৰ্বিশেষে নিজৰ কন্যা গীতা (ফাতিমা সনা শ্বেইখ) আৰু ববিতা (সান্যা মালহোত্ৰা)ক মল্লযুঁজাৰু হিচাপে গঢ়ি তোলাৰ সিদ্ধান্ত লয় ৷

দংগল (ETV Bharat)

জীয়েকৰ প্ৰতিভাক লৈ বিশ্বৰ পৰা সন্দেহৰ সন্মুখীন হোৱাৰ পিচতো মহাবীৰে তেওঁলোকক প্ৰশিক্ষণ দিয়াৰ ক্ষেত্ৰত কোনো খুঁটি-নাটি নাৰাখে আৰু শেষত কন্যাই যেতিয়া দেশলৈ গৌৰৱ কঢ়িয়াই আনি পদক লাভ কৰে, তেতিয়া সকলোৰে মুখ বন্ধ হৈ পৰে ৷

পিকু

কেব কোম্পানীৰ মালিক ৰাণা (ইৰফান খান), ভাস্কৰ (অমিতাভ বচ্চন) আৰু তেওঁৰ কন্যা পিকু (দীপিকা পাডুকন)ৰ সৈতে ৰোড ট্ৰিপত যায়, য’ত এই তিনিজনৰ কাহিনীয়ে দৰ্শকৰ হৃদয় চুই গৈছিল ৷ বৃদ্ধ পিতৃ আৰু কন্যাৰ মাজত থকা মৰমলগা আধুনিক যুগৰ সম্পৰ্কক ছবিখনত অতি সুন্দৰভাৱে চিত্ৰিত কৰা হৈছে ৷

পিকু (ETV Bharat)

ছিচোৰে

২০১৯ চনৰ ছবিখনত প্ৰয়াত অভিনেতা সুশান্ত সিং ৰাজপুতে এগৰাকী ইঞ্জিনিয়াৰিং কলেজৰ ছাত্ৰ হিচাপে অভিনয় কৰিছে, যাৰ গভীৰ পৰিৱৰ্তন ঘটি এজন দায়িত্বশীল পিতৃলৈ ৰূপান্তৰ ঘটে ৷ এই কথা সলনি হয় যেতিয়া তেওঁৰ পুত্ৰ ৰাঘৱে (মহম্মদ ছামাদে অভিনয় কৰা) ব্যৰ্থ হিচাপে দেখা পোৱাৰ ভয়ত আত্মহত্যাৰ চেষ্টা কৰে ৷ এই গুৰুত্বপূৰ্ণ মুহূৰ্ততেই সুশান্তৰ চৰিত্ৰ ৰাঘৱৰ পথ প্ৰদৰ্শক হৈ পৰে ৷

ছিচোৰে (ETV Bharat)

লগতে পঢ়ক:৫টা উপায়েৰে বিশেষ কৰি তোলক পিতৃ দিৱস: এনেদৰে ছাৰপ্ৰাইজ দিয়ক আপোনাৰ পিতৃক - Father’s Day 2024