মুম্বাই : অৰ্জুন কাপুৰ আৰু মালাইকা অৰোৰাৰ সম্পৰ্কৰ বিষয়ে বহুদিন ধৰি আলোচনা হৈ আছে । আগতে প্ৰায়ে একেলগে দেখিবলৈ পোৱা যুটিটো বহুদিনৰ পৰা লোকচক্ষুৰ আগলৈ নহা হৈ থাকিল ৷ ছ’চিয়েল মিডিয়াতো একো আপলোড নকৰা হ’ল দুয়োৱে একেলগে ৷ সেইবোৰ দেখি নেটিজেনে অনুমান কৰিছিল যে নিশ্চয়কৈ তেওঁলোকৰ সম্পৰ্কত আউল লাগিছে ৷
অৰ্জুন আৰু মালাইকাই বহুদিন ধৰি ইজনে সিজনক ডেট কৰে ৷ একেলগে ফুৰাৰ পৰা আৰম্ভ কৰি দুয়োৰে ফটোও অনুৰাগীৰ সৈতে শ্বেয়াৰ কৰি থাকে তেওঁলোকে ৷ কিন্তু শেহতীয়াকৈ অৰ্জুন কাপুৰে মালাইকা অৰোৰাৰ সৈতে ব্ৰেকআপৰ খবৰ নিশ্চিত কৰিছে । অৰ্জুন কাপুৰে কৈছে এতিয়া তেওঁৰ লগত মালাইকাৰ কোনো সম্পৰ্ক নাই । অৰ্জুন কাপুৰে ব্ৰেকআপৰ খবৰ নিশ্চিত কৰাৰ পূৰ্বে মালাইকা অৰোৰাইও এটা ৰহস্যময় পোষ্ট শ্বেয়াৰ কৰে ।
মই এতিয়া ছিংগল : অৰ্জুন কাপুৰ
দৰাচলতে ৰাজ থাকৰেই এটা দেৱালী পাৰ্টীৰ আয়োজন কৰে য’ত উপস্থিত হয় অৰ্জুন কাপুৰ ৷ যোৱা নিশাৰ এই দেৱালী পাৰ্টীত ৰোহিত শ্বেট্টীৰ দ্বাৰা পৰিচালিত ছবি সিংঘম এগেইন ছবিখনৰ গোটেই দলটো উপস্থিত হয় । এই সময়ছোৱাত, পাপাৰাজ্জীয়ে অৰ্জুন কাপুৰক সুধিছিল মালাইকা অৰোৰা কেনে আছে ? এই প্ৰশ্নটোত হাঁহি হাঁহি অৰ্জুন কাপুৰে কয়, “মই এতিয়া ছিংগল, আৰাম কৰক ।” ইয়াৰ পিছত, অৰ্জুন কাপুৰে মঞ্চৰ পৰা সকলোকে দেৱালীৰ শুভেচ্ছা জনাই কয় যে সিংঘম এগেইন চলচ্চিত্ৰখন আপোনালোক সকলোৰে বাবে নিৰ্মিত এখন চলচ্চিত্ৰ, সেয়েহে এইবাৰ আমাৰ সৈতে দেৱালী উদযাপন কৰক ।