নিউজ ডেস্ক, 29 জানুৱাৰী:সোমবাৰৰ পৰা আৰম্ভ হৈছে ভাৰত-ছৌদি আৰৱৰ যুটীয়া সামৰিক অনুশীলন ‘ছাদা তনচিক’। বিকানেৰৰ মহাজন ফিল্ড ফায়াৰিং ৰেঞ্জৰ বালিত ঠাণ্ডা বতাহত আৰম্ভ হোৱা এই যুদ্ধ অনুশীলন ১০ ফেব্ৰুৱাৰীলৈকে চলিব । সেনাৰ মুখপাত্ৰ অমিতাভ শৰ্মাই কয় যে ৪৫ জনীয়া চৌদি আৰৱৰ দলটোক ৰয়েল ছৌদি লেণ্ড ফৰ্চে প্ৰতিনিধিত্ব কৰি আছে। ভাৰতীয় সেনাবাহিনীত ৪৫ জনীয়া সৈনিকৰ এটা দলো আছে, যাক প্ৰতিনিধিত্ব কৰে ব্ৰিগেড অৱ দ্য গাৰ্ডছ (মেকানাইজড ইনফেণ্ট্ৰি)ৰ এটা বেটেলিয়নে ।
এই অনুশীলনৰ উদ্দেশ্য হৈছে ৰাষ্ট্ৰসংঘৰ চনদৰ সাত নং অনুচ্ছেদৰ অধীনত অৰ্ধ-মৰুভূমি অঞ্চলত যৌথ অভিযানৰ বাবে দুয়োপক্ষৰ সৈন্যক প্ৰশিক্ষণ দিয়া । এই অনুশীলনে দুয়োপক্ষই উপ-গতানুগতিক ক্ষেত্ৰত অভিযানৰ পদ্ধতি আৰু কৌশলৰ ক্ষেত্ৰত নিজৰ উত্তম পদ্ধতিসমূহ ভাগ-বাটোৱাৰা কৰিবলৈ সক্ষম হ’ব ৷ যাৰ ফলত দুয়োপক্ষৰ সৈন্যৰ মাজত পাৰস্পৰিক বন্ধুত্ব গঢ়ি তোলাত সহায়ক হ’ব ।
বন্ধুত্বপূৰ্ণ দেশসমূহৰ মাজত সম্পৰ্ক বৃদ্ধি : সেনাৰ মুখপাত্ৰই কয় যে এই অনুশীলনত মোবাইল বাহন চেক পোষ্ট স্থাপন, কৰ্ডন আৰু চাৰ্চ অপাৰেচন, হাউচ ইন্টাৰভেনচন ড্ৰিল, ৰিফ্লেক্স শ্বুটিং, স্লিথাৰিং আৰু স্নাইপাৰ ফায়াৰিং আদি অন্তৰ্ভুক্ত কৰা হ’ব । এই অনুশীলনে দুয়োটা দলকে নিজৰ বন্ধন শক্তিশালী কৰাৰ সুযোগ প্ৰদান কৰিব । এই অনুশীলনে নিৰাপত্তাৰ লক্ষ্যত উপনীত হোৱা, প্ৰতিৰক্ষা সহযোগিতাৰ স্তৰ বৃদ্ধি আৰু দুয়োখন বন্ধু দেশৰ মাজত দ্বিপাক্ষিক সম্পৰ্ক বৃদ্ধিৰ বাবে এক মঞ্চ হিচাপে কাম কৰিব ।
মহাজানত যুদ্ধ অনুশীলন : এছিয়াৰ ভিতৰতে সৰ্ববৃহৎ ফিল্ড ফায়াৰিং ৰেঞ্জ বুলি গণ্য কৰা হয় বিকানেৰৰ মহাজন ফিল্ড ফায়াৰিং ৰেঞ্জক ৷ ভাৰতীয় সেনাৰ সৈতে আন দেশৰ সৈন্যৰ যৌথ যুদ্ধ অনুশীলন মহাজান ফিল্ড ফায়াৰিং ৰেঞ্জত প্ৰায়ে দেখা যায় । এইবাৰ ভাৰত আৰু সংযুক্ত আৰব আমিৰশ্বাহীৰ সেনাবাহিনীৰ সৈতে এই যুদ্ধ অনুশীলন চলোৱা হৈছে ।
লগতে পঢ়ক:বিহাৰত মা খৰ্গেশ্বৰীৰ আশিস ল’লে ৰাহুল গান্ধীয়ে
