নিউজ ডেস্ক, ১৭ ফেব্ৰুৱাৰী: ঝাৰখণ্ডৰ মুখ্যমন্ত্ৰী চম্পাই সোৰেনে শুকুৰবাৰে তেওঁৰ মন্ত্ৰীসভা সম্প্ৰসাৰণ কৰাৰ লগতে মন্ত্ৰীসকলক তেওঁলোকৰ দপ্তৰ বিতৰণ কৰে ৷ মুঠ আঠজন বিধায়কে চম্পাই কেবিনেটৰ মন্ত্ৰী হিচাপে শপত গ্ৰহণ কৰে । মন্ত্ৰীসভাৰ শপত লোৱাসকলৰ ভিতৰত আছে ৰামেশ্বৰ ওৰাওন, দীপক বিৰুৱা, বন্না গুপ্তা, বাদল পাত্ৰলেখ, মিথিলেশ ঠাকুৰ, বসন্ত সোৰেন, হাফিজুল হাছান আৰু বেবী দেৱী ।
মুখ্যমন্ত্ৰী চম্পাই সোৰেনে শুকুৰবাৰে মন্ত্ৰীসভা সম্প্ৰসাৰণ কৰাৰ কেইঘণ্টামানৰ ভিতৰতে মন্ত্ৰীসকলক তেওঁলোকৰ দপ্তৰ বিতৰণ কৰে ৷ প্ৰাক্তন মুখ্যমন্ত্ৰী হেমন্ত সোৰেনৰ কাৰ্যকালত মন্ত্ৰীপদত থকা প্ৰায় সকলো মন্ত্ৰীৰ দপ্তৰসমূহত মুখ্যমন্ত্ৰী চম্পাই সোৰেনে প্ৰায় অব্যাহত ৰাখে ৷ কৰ্মচাৰী বিভাগ, গৃহ বিভাগ, কেবিনেট সচিবালয় আৰু নিৰীক্ষণ বিভাগৰ লগতে বিতৰণ নকৰা সকলো বিভাগ মুখ্যমন্ত্ৰী চম্পাই সোৰেনে নিজৰ লগত ৰাখে ৷
তাৎপৰ্যপূৰ্ণ যে, মুখ্যমন্ত্ৰী চম্পাই সোৰেনৰ নতুন মন্ত্ৰীসভাত স্থান লাভ কৰে তথা প্ৰাক্তন মুখ্যমন্ত্ৰী হেমন্ত সোৰেনে কনিষ্ঠ ভাতৃ বসন্ত সোৰেনক পথ নিৰ্মাণ বিভাগ, বিল্ডিং নিৰ্মাণ বিভাগ আৰু জলসম্পদ বিভাগৰ দায়িত্ব দিয়া হৈছে । এই আটাইকেইটা বিভাগ অতি গুৰুত্বপূৰ্ণ বিভাগ হিচাপে গণ্য কৰা হয় ।