হো ভাষাক অষ্টম অনুসূচীত অন্তৰ্ভুক্তিৰ প্ৰতিশ্ৰুতি মুখ্যমন্ত্ৰী হিমন্ত বিশ্ব শৰ্মাৰ

ঝাৰখণ্ডত অসমৰ মুখ্যমন্ত্ৰীৰ ডাঙৰ ঘোষণা । তেওঁ অষ্টম অনুসূচীত হো ভাষাৰ অন্তৰ্ভুক্তিৰ বিষয়ে এক ডাঙৰ মন্তব্য কৰে ।

চাইবাছা :বৰ্তমান ঝাৰখণ্ডৰ নিৰ্বাচনী প্ৰচাৰত ব্যস্ত আছে অসমৰ মুখ্যমন্ত্ৰী হিমন্ত বিশ্ব শৰ্মা । এই নিৰ্বাচনী প্ৰচাৰৰ মাজতে ঝাৰখণ্ডৰ চাইবাছাত এক ডাঙৰ ঘোষণা কৰে মুখ্যমন্ত্ৰীয়ে । তেওঁ কয় যে এন ডি এই হো ভাষাক সংবিধানৰ অষ্টম অনুসূচীত অন্তৰ্ভুক্ত কৰিবলৈ যথাসাধ্য চেষ্টা কৰিব । এই ঘোষণাৰ সময়ত তেওঁৰ সৈতে উপস্থিত আছিল ঝাৰখণ্ডৰ প্ৰাক্তন মুখ্যমন্ত্ৰী মধু কোড়া ।

তথ্য মতে, হো ভাষা কোৱা লোক প্ৰায় 25 নিযুত । হো ভাষা মুখ্যতঃ হো জনজাতীয় সম্প্ৰদায়ৰ ভাষা । আনহাতে, হো সম্প্ৰদায়ৰ এক বৃহৎ অংশই ঝাৰখণ্ডৰ কোলহানত বাস কৰে । প্ৰাক্তন মুখ্যমন্ত্ৰী মধু কোড়া আৰু তেওঁৰ পত্নী গীতা কোড়ায়ো হো সম্প্ৰদায়ক প্ৰতিনিধিত্ব কৰে । বিজেপিয়ে গীতা কোড়াক জগন্নাথপুৰৰ পৰা প্ৰাৰ্থী হিচাপে মনোনয়ন প্ৰদান কৰিছে ।

বুধবাৰে মুখ্যমন্ত্ৰী হিমন্ত বিশ্ব শৰ্মা চাইবাছাত উপস্থিত হয় । তাত তেওঁ নিৰ্বাচনী প্ৰচাৰৰ বাবে প্ৰধানমন্ত্ৰী মোদীৰ আগমন আৰু নিৰ্বাচনৰ প্ৰস্তুতি সন্দৰ্ভত আহ্বান জনোৱা এখন বৈঠকত অংশগ্ৰহণ কৰে । তাৰ পিছত তেওঁ সংবাদ মাধ্যমক সম্বোধন কৰে ।

সংবাদ মাধ্যমৰ আগত তেওঁ সৰ্ণা ধৰ্ম আৰু হো ভাষা সম্পৰ্কীয় প্ৰশ্নৰ উত্তৰ দি কয়, "সৰ্ণা ধৰ্ম সংহিতা ইতিমধ্যে আছিল, কোনে ইয়াক উঠাই লৈছিল ? কংগ্ৰেছ চৰকাৰে ইয়াক আঁতৰাই দিছিল । ইয়াৰ বাবে কংগ্ৰেছ হৈছে খলনায়ক । আমি এই বিষয়ে কথা পাতি আছো, লোকপিয়ল অহালৈ অপেক্ষা কৰক ।"

আনহাতে, সংবিধানৰ অষ্টম অনুসূচীত হো ভাষা অন্তৰ্ভুক্তি সম্পৰ্কীয় প্ৰশ্নৰ উত্তৰত তেওঁ কয়, "এই ভাষাক অন্তৰ্ভুক্ত কৰিব লাগিব । ইয়াৰ বাবে আলোচনা কৰা হৈছে ।" ইয়াৰ উপৰি ছ'চিয়েল মিডিয়াত এটা পোষ্টত তেওঁ লিখিছে যে সংবিধানৰ অষ্টম অনুসূচীত হো ভাষাক অন্তৰ্ভুক্ত কৰিবলৈ এন ডি এই যথাসাধ্য চেষ্টা কৰিব ।

অষ্টম অনুসূচীত এটা ভাষা অন্তৰ্ভুক্ত কৰাৰ লাভালাভ কি

উল্লেখ্য যে সংবিধানৰ অষ্টম অনুসূচীত এটা ভাষাৰ অন্তৰ্ভুক্তিয়ে উক্ত ভাষাটোৰ পৰিচয় শক্তিশালী কৰে । ভাষাটোৱে সাংবিধানিক স্বীকৃতি লাভ কৰে । ইয়াৰ বাহিৰেও আন বহুতো লাভালাভ আছে । সেইবোৰ হৈছে :

• বিদ্যালয় আৰু মহাবিদ্যালয়ৰ কিতাপ উক্ত ভাষাত উপলব্ধ হ'ব । ফলত মাতৃভাষাত অধ্যয়ন আৰু পৰীক্ষা দিয়াৰ নিজা সুবিধা আছে ।
• শৈক্ষিক পৰীক্ষাও একে ভাষাত দিব পাৰি ।
• ইউ পি এছ চিৰ দৰে পৰীক্ষাত উক্ত ভাষা অন্তৰ্ভুক্ত থাকিব । ইয়াৰ দ্বাৰা উক্ত ভাষা কোৱা যুৱক-যুৱতীসকলক উপকৃত কৰিব ।
• চৰকাৰে অষ্টম অনুসূচীত অন্তৰ্ভুক্ত ভাষাৰ বিকাশৰ বাবে অনুদান প্ৰদান কৰে । ভাষাটো অধিক জনপ্ৰিয় কৰিবলৈ আৰু ইয়াৰ সৈতে সম্পৰ্কিত নতুন কথা আৱিষ্কাৰ কৰিবলৈ এই অনুদান ব্যৱহাৰ কৰা হয় ।
• অনুসূচীত অন্তৰ্ভুক্ত ভাষাসমূহৰ কবি আৰু লেখকসকলক সকলো ধৰণে উৎসাহিত কৰা হয় । ইয়াৰ দ্বাৰা তেওঁলোকৰ সৰ্বশ্ৰেষ্ঠ সৃষ্টিবোৰ জনসাধাৰণৰ ওচৰলৈ লৈ যায় । এনেধৰণৰ উৎসাহমূলক কাৰ্যৰ দ্বাৰা উক্ত ভাষাৰ সাহিত্যৰ স্তৰ অধিক বৃদ্ধি হয় ।
• অনুসূচীত অন্তৰ্ভুক্ত হোৱাৰ পিছত ভাষাটোৰ কবি-সাহিত্যিক আৰু লেখকসকল সাহিত্য অকাদেমিৰ দৰে পুৰস্কাৰৰ দাবীদাৰ হ'ব ।

লগতে পঢ়ক :ঝাৰখণ্ডত ব্যস্ত মুখ্যমন্ত্রী; অসমত কি হৈছে গমকে নাপায় !

লগতে পঢ়ক :প্ৰতিটো নিৰ্বাচনতে কংগ্ৰেছে 20 শতাংশ টিকট বিক্ৰী কৰে: ঝাৰখণ্ডত ড৹ শৰ্মাই ফুটালে নতুন বোমা