নেশ্যনেল ডেস্ক,৪ অক্টোবৰ :ছত্তীশগড়ত মাওবাদীৰ বিৰুদ্ধে বৃহৎ অভিযান । অভিযানৰ মাজতে নিৰাপত্তা বাহিনী আৰু মাওবাদীৰ মাজত সংঘৰ্ষ । নাৰায়ণপুৰ আৰু দান্তেৱাড়াৰ সীমান্ত অঞ্চলৰ আবুঝমাড়ৰ অৰণ্যত সংঘটিত হয় এই সংঘৰ্ষ । আৰক্ষীয়ে জনোৱা মতে দুপৰীয়া প্ৰায় ১ মান বজাত এনকাউণ্টাৰ আৰম্ভ হৈছিল । দান্তেৱাড়াৰ আৰক্ষী অধীক্ষকে জনোৱা মতে এই এনকাউণ্টাৰত ৩০ টা মাওবাদী নিহত হৈছে । দান্তেৱাড়া আৰক্ষী অধীক্ষকে এই কথা নিশ্চিত কৰিছে । ইফালে এই সংঘৰ্ষত নিৰাপত্তা বাহিনীৰ কোনো জোৱান হতাহত হোৱা নাই বুলি জানিব পৰা গৈছে ।
নিৰাপত্তা বাহিনী-মাওবাদীৰ সংঘৰ্ষ
আৰক্ষীয়ে জনোৱা মতে নিৰাপত্তা বাহিনীৰ দলটোৱে নিয়মীয়া অনুসন্ধানৰ বাবে গৈছিল । ঘন অৰণ্যত তালাচীৰ সময়তে দলটোৱে মাওবাদীৰ উপস্থিতিৰ তথ্য লাভ কৰে । ইফালে দলটো আগবাঢ়ি যোৱাৰ লগে লগে মাওবাদীয়ে গুলীবৰ্ষণ আৰম্ভ কৰে । ইয়াৰ প্ৰত্যুত্তৰত নিৰাপত্তা বাহিনীয়েও গুলীচালনা কৰে । আৰক্ষীয়ে জনোৱা মতে নাৰায়ণপুৰ আৰু দান্তেৱাড়া আৰক্ষীৰ এটা যুটীয়া দল এই সংঘৰ্ষত জড়িত আছিল ।