নিউজ ডেস্ক, ১২ এপ্ৰিল: মহেন্দ্ৰগড়ৰ স্কুল বাছ দুৰ্ঘটনাৰ পিচত আৰক্ষীয়ে গ্ৰেপ্তাৰ কৰিছে বিদ্যালয়ৰ অধ্যক্ষ দীপ্তী ৰাও, বিদ্যালয়ৰ সম্পাদক হোছিয়াৰ সিং আৰু বাছ চালক মহেন্দ্ৰক । শিক্ষা বিভাগৰ তথ্য অনুসৰি এতিয়ালৈকে কৰা তদন্তত মহেন্দ্ৰগড়ৰ জি এল পাব্লিক স্কুলৰ বাছসমূহত বৈধ ফিটনেছ চাৰ্টিফিকেট নাই বুলি জানিব পৰা গৈছে । ইয়াৰ পিছতে সজাগ হৈ পৰিছে পৰিবহণ বিভাগ । পৰিবহণ মন্ত্ৰী অসীম গোৱালে অতিৰিক্ত পৰিবহণ আয়ুক্তক তদন্তৰ নিৰ্দেশ দিছে ।
পৰিবহণ মন্ত্ৰী আসীম গোৱালৰ তদন্তৰ নিৰ্দেশ : পৰিবহণ মন্ত্ৰী আসীম গোৱালে সমগ্ৰ ঘটনাৰ পুংখানুপুংখ তদন্ত কৰি তিনিদিনৰ ভিতৰত প্ৰতিবেদন দাখিল কৰিবলৈ নিৰ্দেশ প্ৰদান কৰিছে । ইয়াৰ আঁৰত যি কাৰণ আছে আৰু দায়বদ্ধ বিষয়া যিয়েই নহওক কিয় তদন্তলৈ আহিব লাগিব বুলিও তেওঁ কয় । তদন্তত দুজন দোষী সাব্যস্ত হ’লেও তেওঁলোকৰ বিৰুদ্ধে কঠোৰ ব্যৱস্থা গ্ৰহণ কৰা হ’ব ।
এডিচিৰ অধ্যক্ষতাত গঠন কৰা তদন্ত সমিতি :মহেন্দ্ৰগড় জিলা বিষয়াই দুৰ্ঘটনাৰ তদন্তৰ বাবে এখন সমিতি গঠন কৰিছে । এই কমিটীয়ে ঘটনাৰ কাৰণ আৰু পৰিস্থিতি জানিবলৈ তদন্ত কৰিব আৰু শীঘ্ৰে তথ্য দাখিল কৰিব । এই সমিতিৰ অধ্যক্ষ হ’ব অতিৰিক্ত উপাযুক্ত । তেওঁলোকৰ উপৰি মহকুমাধিপতি, উপ-আৰক্ষী অধীক্ষক আৰু জিলা শিক্ষা বিষয়া কমিটীৰ সদস্য হ’ব । এই সন্দৰ্ভত কমিটীক তদন্ত কৰি অতি শীঘ্ৰে তথ্য দাখিল কৰিবলৈ কোৱা হৈছে ।