নতুন দিল্লী: কঠোৰ নিৰাপত্তা ব্যৱস্থাৰ মাজতে বুধবাৰে পুৱা ৭ বজাত দিল্লীত আৰম্ভ হৈছে ভোটগ্ৰহণ । ৭০ খন আসনৰ বাবে একক পৰ্যায়ৰ বিধানসভা নিৰ্বাচনৰ বাবে ইতিমধ্য়ে ভোটগ্ৰহণ আৰম্ভ হৈছে । ভোটগ্ৰহণ আৰম্ভ হোৱাৰ পিছতেই বিভিন্ন ভোটকেন্দ্ৰত দেখা গ'ল বহু ৰথী-মহাৰথীক । ৰাষ্ট্ৰপতি দ্ৰৌপদী মুৰ্মুৱেও ড৹ ৰাজেন্দ্ৰ প্ৰসাদ কেন্দ্ৰীয় বিদ্যালয়ত আজি পুৱাই ভোটদান কৰে ।
কোনৰথী-মহাৰথীয়ে ক'তসাব্য়স্ত কৰিলে ভোটাধিকাৰ :
লোকসভাৰ বিৰোধী দলৰ নেতা তথা কংগ্ৰেছৰ সাংসদ ৰাহুল গান্ধীয়ে দিল্লী বিধানসভা নিৰ্বাচনত আজি পুৱাই ভোটদান কৰে । আনহাতে, দিল্লীৰ প্ৰাক্তন উপ-মুখ্যমন্ত্ৰী তথা জংপুৰা বিধানসভা সমষ্টিৰ প্ৰাৰ্থী মনীষ চিছোদিয়াই সপত্নীক নতুন দিল্লী বিধানসভা সমষ্টিৰ লেডী আৰউইন ছিনিয়ৰ ছেকেণ্ডাৰী স্কুলৰ ভোটকেন্দ্ৰত ভোটদান কৰে । বিজেপি প্ৰাৰ্থী অৰবিন্দৰ সিং লাভলীয়ে গান্ধীনগৰ বিধানসভা সমষ্টিত সাব্য়স্ত কৰে ভোটাধিকাৰ । নিৰ্বাচন আয়ুক্ত সুকবীৰ সিং সান্ধুৱেও ভোটদান কৰিছে । দিল্লী বিধানসভা নিৰ্বাচনত সেনা প্ৰধান জেনেৰেল উপেন্দ্ৰ দ্বিৱেদীয়ে পুৱাই ভোটাধিকাৰ সাব্য়স্ত কৰে ।
ভোটাধিকাৰ সাব্য়স্ত কৰিবলৈ প্ৰধানমন্ত্ৰীৰ আহ্বান :
প্ৰধানমন্ত্ৰী নৰেন্দ্ৰ মোদীয়ে ৰাইজক ভোট দিবলৈ আহ্বান জনাইছে । প্ৰধানমন্ত্ৰী নৰেন্দ্ৰ মোদীয়ে Xত পোষ্ট কৰি কয়, "দিল্লী বিধানসভা নিৰ্বাচনৰ সকলো আসনৰ বাবে আজি ভোটগ্ৰহণ অনুষ্ঠিত হৈছে । মই ইয়াত থকা ভোটাৰসকলক সম্পূৰ্ণ উৎসাহেৰে গণতন্ত্ৰৰ এই উৎসৱত অংশগ্ৰহণ কৰিবলৈ আৰু তেওঁলোকে তেওঁলোকৰ মূল্যৱান ভোট দান কৰাটো নিশ্চিত কৰিবলৈ অনুৰোধ জনাইছো । এই উপলক্ষে প্ৰথমবাৰৰ বাবে ভোটদান কৰা সকলো যুৱ বন্ধুবৰ্গলৈ মোৰ বিশেষ শুভেচ্ছা । মনত ৰাখিব-প্ৰথমে ভোট দিয়ক, তাৰ পিছত সতেজতা ।"
উল্লেখ্য যে এই নিৰ্বাচনত মুঠ ১,৫৬,১৪,০০০ গৰাকী ভোটাৰে ভোটাধিকাৰ সাব্যস্ত কৰিব । তেওঁলোকে ৭০ খন আসনত নিৰ্বাচনত অৱতীৰ্ণ হোৱা ৬৯৯ গৰাকী প্ৰাৰ্থীৰ ভাগ্য নিৰ্ণয় কৰিব । নিৰ্বাচন আয়োগে প্ৰকাশ কৰা তথ্য অনুসৰি, দিল্লীত ৮৩,৭৬,১৭৩ জন পুৰুষ ভোটাৰ, ৭২,৩৬,৫৬০ গৰাকী মহিলা আৰু ১,২৬৭ জন তৃতীয় লিংগৰ ভোটাৰ আছে । এইবাৰ, লিংগ অনুপাত ৮৬৪ আৰু ই পি অনুপাত (নিৰ্বাচক আৰু জনসংখ্যা অনুপাত) ৭১.৮৬ হিচাপে নথিভুক্ত কৰা হৈছে ।
যুৱ ভোটাৰ: