ভাৰত-পাক সীমান্তত তিনিগৰাকী সন্দেহজনক লোকক গ্ৰেপ্তাৰ - BSF And Police Arrested 3 Persons

বি এছ এফ আৰু আৰক্ষীয়ে এক যুটীয়া অভিযানত ভাৰত-পাক আন্তঃৰাষ্ট্ৰীয় সীমান্তৰ সমীপৰ পৰা তিনিজন সন্দেহযুক্ত লোকক গ্ৰেপ্তাৰ কৰে । তিনিওজনে তেওঁলোকৰ ম’বাইলৰ পৰা পাকিস্তানৰ কাৰোবাক অৱস্থান প্ৰেৰণ কৰিছিল । আৰক্ষীয়ে সীমান্তৰ সিপাৰৰ পৰা বৃহৎ পৰিমাণৰ হেৰ’ইনৰ চোৰাং সৰবৰাহ কৰাৰ বিষয়ে তথ্য লাভ কৰিছিল ।

নেশ্যনেল ডেস্ক, 1 মে’ : বৰ্তমান ভাৰত-পাকিস্তান আন্তঃৰাষ্ট্ৰীয় সীমান্তৰ ওচৰৰ পথাৰত ঘেঁহুৰ শস্য চপোৱা হৈছে ৷ আন্তৰ্জাতিক চোৰাং ব্যৱসায়ৰ সম্ভাৱনাৰ প্ৰতি লক্ষ্য ৰাখি চোৰাং ব্যৱসায় প্ৰতিৰোধ কৰিবলৈ বি এছ এফ আৰু আৰক্ষী সক্ৰিয় হৈ আছে ৷

আৰক্ষী অধীক্ষক ৰমেশ মৌৰ্যই কয় যে, বি এছ এফ আৰু আৰক্ষীয়ে তথ্য লাভ কৰিছে যে পাকিস্তানৰ পৰা ভাৰতলৈ বৃহৎ পৰিমাণৰ হেৰ’ইন প্ৰেৰণ কৰাৰ সম্ভাৱনা আছে ৷ তথ্য লাভ কৰাৰ পিচত, আন্তঃৰাষ্ট্ৰীয় সীমান্তৰ চাৰিওফালে বি এছ এফ আৰু আৰক্ষীয়ে যুটীয়াভাৱে তালাচী অভিযান আৰম্ভ কৰে ৷ এই তালাচীৰ সময়ত ভাৰত-পাকিস্তান আন্তঃৰাষ্ট্ৰীয় সীমান্তৰ বিঞ্জোৰ গাঁৱৰ ওচৰত তিনিজন লোকক গ্ৰেপ্তাৰ কৰা কৰে নিৰাপত্তা বাহিনীৰ দলে ৷

গ্ৰেপ্তাৰ কৰা তিনিজনৰ ভিতৰত দুজন চামেজা কোঠী আৰক্ষী থানা অঞ্চলৰ বাসিন্দা আৰু এজন পঞ্জাৱৰ বাসিন্দা বুলি আৰক্ষী অধীক্ষকগৰাকীয়ে জানিবলৈ দিয়ে ৷ গ্ৰেপ্তাৰ কৰা তিনিজন ব্যক্তিয়ে তেওঁলোকৰ অৱস্থান তেওঁলোকৰ ম’বাইলৰ পৰা পাকিস্তানৰ কোনো লোকক প্ৰেৰণ কৰিছিল ৷ বি এছ এফ আৰু আৰক্ষীয়ে তিনিওজন লোকৰ জেৰা অব্যাহত ৰাখিছে ৷

আৰক্ষী অধীক্ষক ৰমেশ মৌৰ্যই কয় যে, তথ্য পোৱাৰ পিচত বি এছ এফ আৰু আৰক্ষীয়ে পদক্ষেপ লয় আৰু ভাৰত-পাকিস্তানৰ আন্তঃৰাষ্ট্ৰীয় সীমান্তৰ গাঁৱখন যুটীয়াভাৱে ঘেৰাও কৰে ৷ ঘেৰাওৰ সময়ত মঙলবাৰে নিশা তিনিজন লোকক ঘূৰি ফুৰা দেখা গৈছিল ৷ বি এছ এফ আৰু আৰক্ষীৰ তেওঁলোকৰ ওপৰত সন্দেহ ওপজাত ব্যক্তিকেইজনক সোধা-পোছা আৰম্ভ কৰে ৷

জেৰাৰ সময়ত তেওঁলোকে নিজকে চামেজা কোঠিৰ বাসিন্দা সুশীল কুমাৰ(23), ফাজিলকাৰ নিবাসী ৰবীন সিং(22) আৰু পঞ্জাৱ নিবাসী সুখবিন্দৰ সিং (27) বুলি পৰিচয় দিয়ে ৷ যেতিয়া তিনিওজন ব্যক্তিক সোধা-পোছা কৰা হৈছিল আৰু তেওঁলোকৰ ম'বাইল পৰীক্ষা কৰা হৈছিল, তেতিয়া তেওঁলোকৰ অৱস্থিতিৰ বিষয়ে পাকিস্তানলৈ তথ্য প্ৰেৰণ কৰাটো নিশ্চিত কৰিছিল অভিযানকাৰী দলে ৷

লগতে পঢ়ক :মণিপুৰত বিবস্ত্ৰ মহিলাৰ সমদল: সংঘৰ্ষকাৰী গোটৰ মাজলৈ ঠেলি দিয়াৰ অভিযোগ মণিপুৰ আৰক্ষীৰ বিৰুদ্ধে - Manipur Women Naked Protest