نوجوان نے بنایا ولبھ بھائی پٹیل کا 10 ہزار فٹ کا پورٹریٹ

بارہ بنکی: ملک و عالمی سطح پر اپنے گاؤں کا نام روشن کرنے کے لئے بارہ بنکی کے ایک نوجوان روی دھیمان نے انوکھا کام انجام دیا ہے۔ حیدر گڑھ سڑک پر واقع نان مئو گاؤں کے روی نے اپنے دوستوں کے ساتھ مل کر آئرن مین سردار ولّبھ بھائی پٹیل کا 10 ہزار فٹ کا رنگولی پورٹریٹ زمین پر بنا ڈالا۔ اس وسیع رنگولی پورٹریٹ کو چنا، کوئلا، رنگ اور گلال کے ذریعہ 10 دن میں بنایا گیا ہے۔ روی دھیمان نے دعویٰ کیا ہے کہ یہ اب تک کی سب سے بڑی رنگولی ہے۔ روی اپنے فن کے ذریعہ معاشرے میں بھائی چارا قائم کرنے کا ارادہ رکھتے ہیں۔ وہ چاہتے ہیں کہ وہ اتنی بڑی رنگولی تیار کریں جو کہ گنیز بک آف ورلڈ ریکارڈ میں درج ہو۔ فائن آرٹ کا یہ دیوانہ نوجوان 2 برس پہلے بھی یوپی کے وزیر اعلیٰ یوگی آدتیہ ناتھ کا رنگولی پورٹریٹ بنا کر انہیں پیش کر چکا ہے۔