بیوی کو کاندھے پر بیٹھا کر 70 سیڑھیاں چڑھا شوہر

تروملا: تروملا درشن کے لیے گئی ایک خاتون کو جب سیڑھیوں پر چڑھنے سے تکلیف ہوئی تو اس کا شوہر اسے اپنے کاندھے پر بیٹھا کر 70 سیڑیاں چڑھ گیا۔ مشرقی گوداوری ضلع کے کدیام منڈل میں کڈیاپولنکا کے وردا ویر وینکٹ ستیہ نارائنا (ستی بابو) نے 24 سال پہلے لاونیا سے شادی کی۔ ان کی دو بیٹیاں ہیں جن کی شادی ہو گئی ہیں۔ یہ دونوں حال ہی میں بالاجی کے درشن کے لیے تروپتی گئے تھے۔ سیڑھیوں پر چڑھنے کے دوران ستی بابو کی بیوی کو تکلیف ہوئی ۔ تب ستی بابو نے اپنی بیوی کو کاندھے پر بیٹھا کر 70 سیڑھیاں چڑھ گئے۔ دیگر عقیدت مندوں نے ان کی ویڈیو بنالی جو سوشل میڈیا پر خوب وائرل ہورہا ہے۔