اندور میں بیت الخلاء کے باہر اورنگ زیب کا پوسٹر لگانے سے ہنگامہ، پولیس نے فوراً ہٹایا

وارانسی کی گیان واپی مسجد کو لے کر ان دنوں ملک میں تنازعہ کھڑا ہے۔ سب کی نظریں عدالت کے فیصلے پر ہیں۔ ایسے میں اب یہ تنازع اتر پردیش سے مدھیہ پردیش تک پہنچ گیا ہے۔ یہاں اندور میں اس وقت ہنگامہ ہوا، جب دو دن پہلے ایک تنظیم کی جانب سے مختلف پبلک ٹوائلٹس میں اورنگ زیب پیشاب گھر کے نام سے پوسٹر لگائے گئے۔ جیسے ہی یہ خبر کارپوریشن کے افسران تک پہنچی، سب کے ہاتھ پاؤں پھول گئے۔ عجلت میں پولیس کی مدد سے ٹوائلٹ سے بورڈ ہٹا دیا گیا۔ تاہم یہ کس تنظیم کی جانب سے کیا گیا ہے، اس بارے میں کوئی معلومات سامنے نہیں آئی ہیں۔