بنارس: چار سو برس قدیم 32 کھمبا کا مقبرہ، بدحالی کا شکار

دنیا کے قدیم ترین شہروں میں بنارس کا نام سر فہرست درج ہے اور یہ ہندوؤں کا دارالحکومت بھی کہا جاتا ہے۔ بنارس کی گلی کوچوں میں نہ صرف بےشمار دیوی دیوتاؤں کے مندر موجود ہیں بلکہ سینکڑوں اولیاء کرام کے مزارات بھی دیدہ زیب ہوتے ہیں۔ یہاں مغلیہ دور سلطنت کی مشہور اور مقبول عمارتیں بھی بنارس کی تاریخ کو اپنے دامن میں لیے ہوئے ہیں۔ انہیں میں سے بنارس کے بکریا کنڈ علاقے میں واقع 32 کھمبے کا مقبرہ ہے جو انتہائی خوبصورت وقابل دید عمارت ہے۔ لیکن حکومت کی عدم توجہی کی وجہ سے یہ عمارت خستہ حال ہو چکی ہے۔