بدمعاش کو گرفتار کرنے آئی پولیس ٹیم پر حملہ

سلطان پور ضلع کے گوسائی گنج تھانہ علاقے کے بروئی گاؤں میں جمعرات کو بدمعاش راجہ سنگھ کو گرفتار کرنے پہنچی پولیس ٹیم پر خواتین نے لاٹھی ڈنڈوں سے حملہ کردیا۔ پولیس اور خواتین کے درمیان لڑائی کا ویڈیو سوشل میڈیا پر تیزی سے وائرل ہو رہا ہے۔ اس واقعہ کے بعد بڑی تعداد میں پولیس فورس موقع پر بھیجی گئی اور دبنگ کو گرفتار کر لیا گیا ہے۔ خواتین کی پٹائی میں کئی پولیس اہلکار زخمی ہوئے ہیں جنہیں کمیونٹی ہیلتھ سینٹر، جے سنگھ پور میں داخل کرایا گیا ہے۔