Women Reservation Bill خواتین ریزرویشن بل کو فوری طور پر نافذ کرنے میں کیا رکاوٹ ہے: پرینکا چترویدی

راجیہ سبھا میں خواتین ریزرویشن بل پر بحث کے دوران شیوسینا(یو ٹی بی) کی لیڈر پرینکا چترویدی نے بل کو تاریخی قرار دیتے ہوئے اسے فورا نافذ کرنے کا مطالبہ کیا۔ انھوں نے کہا کہ اس بل کے اندر جو شرائط رکھی گئی ہیں اس سے معلوم ہوتا ہے کہ یہ خواتین کو ایک قسم کا جھنجھنا دیا جارہا ہے جس کے نفاذ کے لیے کوئی طئے شدہ ٹائم نہیں ہے۔ انھوں نے یہ بھی کہا پوری دنیا میں کوئی بھی ایسا قانون نہیں بنا ہوگا جو آنے والے سات سالوں کے بعد بافذ ہوگا۔ واضح رہے کہ  لوک سبھا میں  خواتین ریزرویشن بل 'ناری شکتی وندن بل' دو تہائی سے زیادہ اکثریت سے منظور ہوگیا ہے۔ اس بل کے حق میں 454 اور مخالفت میں دو ووٹ ڈالے گئے۔ جمعرات کو راجیہ سبھا میں اس بل پر بحث شروع ہوئی اور دیر شام تک اس بل کے پارلیمنٹ کے ایوان بالا میں پاس ہونے کا قوی امکان ہے۔