لوک سبھا میں سکیورٹی چوک پر ارکان پارلیمنٹ نے کیا دیکھا اور کیا کہا؟

 نئی دہلی: پارلیمنٹ کی ناقابل تسخیر سکیورٹی کو توڑتے ہوئے دو نوجوان آج لوک سبھا کی وزیٹرس گیلری سے ایوان میں چھلانگ لگا دی، جس کی وجہ سے ایوان کی کارروائی فوری طور پر ملتوی کر دی گئی۔ یہ واقعہ اس وقت پیش آیا جب ایوان میں وقفہ صفر کی کارروائی جاری تھی اور پریزائیڈنگ آفیسر راجیندر اگروال کارروائی کر رہے تھے۔ تقریباً 1.02 بجے ایک نوجوان نے وزیٹرس گیلری سے چھلانگ لگائی تو  اگروال اچانک حیران ہوگئے اور پوچھا کہ کیا کوئی گرا ہے؟ ایوان میں 'پکڑو پکڑو' کا شور ہونے لگا۔ جیسے ہی معاملہ چند لمحوں میں سمجھ میں آیا تو  اگروال نے کارروائی کو 2 بجے تک ملتوی کرنے کا اعلان کیا۔

بعد میں پتہ چلا کہ دو لوگوں نے وزیٹرس گیلری سے چھلانگ لگائی تھی۔ ان میں سے ایک کا نام ساگر بتایا گیا ہے۔ یہ بھی کہا جا رہا ہے کہ دونوں لوگ میسور سے بھارتیہ جنتا پارٹی کے رکن پارلیمنٹ پرتاپ سمہا کے نام پر لوک سبھا وزیٹرس گیلری پاس حاصل کر کے پارلیمنٹ ہاؤس تک پہنچے تھے۔