مہاراشٹر کے کابینہ وزیر چندرکانت پاٹل پر سیاہی پھینکی گئی

بی جے پی رہنما و مہاراشٹر کے وزیر تعلیم چندرکانت پاٹل پر ایک شخص نے اس وقت سیاہی پھینکی جب وہ پونے سے پمپری چنچوڑ جارہے تھے۔ حالانکہ پولیس نے ان پر سیاہی پھینکنے والے شخص کو حراست میں لے لیا ہے۔ بتایا جارہا ہے کہ وزیر کے ایک بیان سے لوگوں میں ناراضگی پائی جارہی ہے، جس میں انہوں نے کہا تھا کہ 'بابا صاحب امبیڈکر اور کرم ویر بھاؤ پاٹل جیسے عظیم لوگوں کو بھی اسکول کھولنے کے لیے بھیک مانگنی پڑی تھی، کیوں کہ اس وقت کی حکومتوں نے اسکولز کے لیے گرانٹ نہیں دی تھی۔ وزیر کے اس بیان پر اپوزیشن کا کہنا کہ انہیں بھیک مانگنے اور لوگوں سے چندہ لینے کے درمیان فرق کرنا نہیں آتا۔