تونیشا شرما کی والدہ کا شیزان خان پر سنگین الزام

تونیشا شرما کیس میں پولیس کا یہ بیان سامنے آنے کے بعد کہ اداکارہ کی خودکشی کرنے کی وجہ شیزان سے ان کا بریک اپ تھا۔ اب اداکارہ کی والدہ ونیتا شرما نے اس معاملے میں چونکا دینے والا بیان دیا ہے۔ ان کے مطابق شیزان تونیشا کو دھوکہ دے رہا تھا۔ تونیشا کے ساتھ رشتے میں ہونے کے باوجود وہ اپنی سابقہ گرل فرینڈ کے ساتھ بھی رشتے میں تھا۔ ونیتا کا یہ بھی کہنا تھا کہ شیزان کو سزا ملنی چاہیے کیونکہ اس نے شادی کا بہانا دے کر تونیشا کا استعمال کیا اور پھر اچانک سارے رشتے توڑ لیے۔ تونیشا کے مامو پون شرما نے بھی شیزان پر الزامات عائد کیے ہیں۔ انہوں نے کہا کہ جو بھی قصوروار ہے اسے سزا ملنی چاہیے۔ اس واقعہ کے بعد اہل خانہ گہرے صدمے میں ہیں۔