سورت: مزدوروں کی کمی، کپڑے کی پیدوار میں بھاری گراوٹ

عالمی وبا کورونا وائرس نے جہاں ہر شعبے کو متاثر کیا ہے۔ وہیں کپڑے کی صنعت بھی رو بہ زوال ہوگئی ہے۔ سورت میں کپڑے کی صنعت کو مزدوروں کی کمی کی وجہ سے مشکلات کا سامنا ہے۔ کورونا وائرس کی وجہ سے کپڑے کی پیداوار محض 40۔50 فیصد ہی رہ گئی ہے۔ کورونا وائرس کے خوف کی وجہ سے بہار اور اڑیشہ کے مہاجر مزدور اپنے شہروں کو واپس چلے گئے ہیں۔ دوسری جانب ملازمین کی کمی کی وجہ سے کاروباری سرگرمیاں متاثر ہوگئی ہیں۔