جموں و کشمیر میں دربار مو موضوع بحث کیوں؟

دربار مو یعنی دارالحکومت کی منتقلی کی روایت ڈوگرا راج کے دوران ہوئی، اس وقت مہاراجہ رنبیر سنگھ نے سنہ 1872 میں جموں و کشمیر کیلئے دو دارالحکومتوں کا اعلان کیا۔ یہ کہا جارہا ہے کہ دربار مو جموں و کشمیر کے دو متنوع لسانی اور ثقافتی علاقوں کے مابین جذباتی اتحاد کا آئینہ دار ہے۔ موجودہ وقت میں دربار مو کے دوران قریب 10 ہزار ملازمین جموں سے سرینگر اور بعد میں سرینگر سے جموں منتقل ہوجاتے ہیں۔