72واں یوم جمہوریہ: فوجی پریڈ اور جھانکیوں کا دلکش منظر

آج ملک اپنا 72واں یوم جمہوریہ منا رہا ہے۔ راج پتھ پر قومی پرچم کو سلامی دی جا رہی ہے۔ صدر جمہوریہ رام ناتھ کووند، وزیراعظم نریندر مودی، وزیر دفاع راجناتھ سنگھ، تینوں افواج کے سربراہ، کئی ریاستوں کے وزرائے اعلی، گورنرز، مرکزی وزرا سمیت متعدد اعلی شخصیات راجپتھ پر ملک کی آن بان شان قومی پرچم کو سلامی دے رہی ہیں اور اپنی افواج کی جرات و ہمت، فوجی آلات، فوجیوں کا دلکش پریڈ اور مختلف ریاستوں نیز کئی محکمہ جات کی جھانکیوں کو دیکھ کر لطف اندوز ہو رہی ہیں۔