مغربی بنگال میں آئندہ اسمبلی انتخابات سے قبل پارٹی تبدیل کرنے کا کھیل جاری ہے اور اس کھیل میں حکمراں جماعت ترنمول کانگریس اور بی جے پی کو کبھی جیت تو کبھی ہار کا سامنا کرنا پڑ رہا ہے۔
آج ترنمول کانگریس بھون میں بردوان ضلع کے سرکردہ رہنما اور وزیر مولایی گھٹک کی موجودگی میں آل انڈیا آدیواسی پریشد کے ریاستی صدر راجیش لکڑا ترنمول کانگریس میں شامل ہو گئے۔
اس موقع پر وزیر مولایی گھٹک نے کہا کہ آدیواسی پریشد کے ریاستی صدر راجیش لکڑا کی ترنمول کانگریس میں شمولیت سے پارٹی کو فائدہ ہوگا۔ ترنمول کانگریس کو ڈوارس خطہ کے تمام آدیواسیوں کی حمایت حاصل ہو جائے گی۔ اس سے انہیں اپنی اپنی پریشانیوں کو دور کرنے میں کافی مدد ملے گی
انہوں نے کہا کہ لیفٹ فرنٹ کے دور حکومت میں چائے باغان میں کام کرنے والے ملازمین کو محض57 روپے روزانہ اجرت ملتی تھی لیکن ممتا بنرجی کی حکومت آنے کے بعد ملازمین کو یومیہ 175 ملنے لگی ہے۔