مغربی بنگال بھارتیہ جنتا پارٹی کے صدر دلیپ گھوش نے کہاکہ ترنمول کانگریس کی سربراہ اور وزیر اعلیٰ ممتا بنرجی ووٹ بینک کی سیاست کرتی ہیں جس کی وجہ سے حالات بگڑتے جارہے ہیں۔
انہوں نے کہاکہ ریاست میں صرف اور صرف حکمراں جماعت ترنمول کانگریس کے حامیوں کو سیاسی سرگرمیوں میں حصہ لینے کی اجازت ہے۔
بی جے پی کے رکن پارلیمان کاکہنا ہے کہ ریاست میں اپوزیشن پارٹیوں کے حامیوں کو سرگرم سیاست میں حصہ لینے کی اجازت نہیں ہے۔ جمہوریت میں ایسا کہیں نہیں ہوتا ہے۔
بی جے پی کے ریاستی صدر نے کہاکہ سچ تو یہ ہے کہ ممتابنرجی کی قیادت والی ریاستی حکومت تمام محاذ پر ناکام ہوچکی ہے۔ اس لئے اپوزیشن پارٹیوں کے حامیوں پر سرگرم سیاست میں حصہ لینے پر پابندی عائد کررکھی ہے۔
انہوں نے کہاکہ گزشتہ ریاست میں بی جے پی کے حامیوں کو جھوٹے مقدمے میں پھنسانے کی کوشش کی جارہی ہے ۔ گزشتہ روز بی جے پی خواتین ونگ کی ایک حامی کو گھسٹ کر مار ا گیا ہے۔
دلیپ گھوش نے کہاکہ روز بی جے پی خواتین ونگ کی ایک حامی کے ساتھ جو کچھ بھی ہوا اس سےیہ ثابت ہو تا ہے مغربی بنگال لاءاینڈآرڈنام کی کوئی چیز نہیں ہے۔
بی جے پی کے رکن پارلیمان کاکہنا ہے کہ بالور گھاٹ میں بی جے پی کی خاتون حامی کے ساتھ جو کچھ بھی ہو ااس پر وزیراعلیٰ کو جواب دینا ہو گا۔
انہوں نے کہاکہ بی جے پی کی حامی کی حمایت میں مہم چلائی جائے گی۔ بی جے پی کے تمام اراکین سڑکوں پر اتریں گے۔ اتردیش اور دیگر ریاستوں کی باتیں کرنے والی وزیراعلیٰ ممتابنرجی کو اپنی ریاست کی خواتین کی فکر نے کی ضرورت ہے۔
واضح رہے کہ بنگال کے بی جے پی ارکان اسمبلی نے ریاست میں لاء اینڈآرڈر کی ابتر حالات اور خواتین کے خلاف جرائم میں اضا فے کے خلاف پارلیمنٹ کے باہر احتجاج کیا۔
