مغربی بنگال کی وزیر اعلیٰ ممتا بنرجی نے کہاکہ ملک کی تمام ریاستوں سے زیادہ ریات بنگال انسانی اسمگلنگ کے خلاف کارروائی کرتی ہے ۔
ریاستی حکومت نے اس پر قابو پانے کے لیے مختلف ادارے بنارکھی ہے۔ اس سے حکومت اور پولیس دونوں کو انسانی اسنگلنگ پرقابو پانے میں کامیابی ملی ہے ۔
انہوں نے کہاکہ کہا ہے کہ ہندوستان میں بنگال واحد ریاست ہپے جہاں بچوں کے ٹریفکنگ روکنے کیلئے علاحدہ ڈائریکٹوریٹ فار چائلڈ رائٹ و ٹریفکنگ اور اینٹی ٹریفکنگ ٹاسک فورس ہے۔
ممتابنرجی نے سوشل میڈیا پر پوسٹ کرتے ہوئے لکھا ہے کہ آج عالمی یوم انسداد ٹریفکنگ“ ہے۔
اس موقع پر یہ بتانا چاہتی ہوں کہ بنگال واحدد ریاست ہے جہاں بچوں کے حقوق کے تحفظ اور ٹریفکنگ روکنے کیلئے ٹاسک فورسیس اور ڈائریکٹوریٹ موجود ہے۔
ممتا بنرجی نے لکھا ہے کہ ضلع سطح پر چائلڈ پروٹیکشن کمیٹی قائم ہے۔اس کے علاوہ انسانی اسمگلنگ اور کم عمری کی شادی کے خلاف مقامی سطح پر بنگال حکومت مہم چلاتی ہے اور اس کی نگرانی کرتی ہے۔
اقوام متحدہ کی رپورٹ کے مطابق انسانی اسمگلنگ کے شکار زیادہ تر خواتین اور بچے ہوتے ہیں۔انہیں سیکس ریکٹ یا پھر مزدوری میں ڈھکیل دیا جاتا ہے۔رپورٹ کے مطابق دنیا بھر میں اس میں اضافہ ہوا ہے۔
