ایک طرف جہاں مغربی بنگال کی حکمراں جماعت ترنمول کانگریس شہریت ترمیمی بل کی مخالفت کررہی وہیں متوا سماج کی سربراہ اور ترنمول کانگریس کی سابق رکن پارلیمان ممتا بالا ٹھاکر پوری مہم سے الگ ہیں اور خاموشی اختیار کررکھی ہے۔
خیال رہے کہ بنگلہ دیش سے بڑی تعداد میں متوا سماج سے لوگ یہاں آکر آباد ہوئے ہیں۔گزشتہ دنوں شمالی 24پرگنہ ضلع صدر و ریاستی وزیر جیوتری پریہ ملک نے احتجاجی مظاہرہ کیا تھا مگر اس میں ممتا بالا ٹھاکر نے شرکت نہیں کی تھی۔
خیال رہے کہ بن گاؤں لوک سبھا حلقہ جہاں سے ممتا بالا ٹھاکر کامیاب ہوئی تھی کو اس مرتبہ اپنے ہی خاندان کے ایک فرد جو بی جے پی کے امیدوار تھے کے ہاتھوں شکست کا سامنا کرنا پڑا تھا۔متواسماج ایک عرصے شہریت کیلئے تحریک چلارہی ہے۔
متوا سماج کے لوگوں کا کہنا ہے کہ مرکزی حکومت بنگلہ ددیش سے آئے ہنددں کو شہریت دے رہی تو اس کی مخالفت کی کیا وجہ ہے۔
سیاسی تجزیہ نگاروں کا کہنا ہے کہ گرچہ ترنمول کانگریس اس بل کی مخالفت کررہی ہے مگر ممتا بالا ٹھاکر کیلئے اس بل کی مخالفت کرنا کوئی آسان کام نہیں ہے اس لیے وہ اس احتجاج کا حصہ نہیں بن رہی ہیں۔
:
