انڈین میڈیکل کونسل کے یک روزہ ہڑتال کی وجہ مغربی بنگال کے زیادہ تر سرکاری اسپتالوں میں اوپی ڈی میں کام کاج متاثر رہا۔تا ہم ایمرجنسی سروس اور دیگر شعبوں میں کام کاج معمول کے مطابق جاری رہے۔
29جولائی کو لوک سبھا سے پاس انڈین میڈیکل کمیشن بل کے خلاف آل انڈیا میڈیکل کونسل نے 24گھنٹے کے ہڑتال کا آج اعلان کیا تھا۔
مرشدآباد،ہگلی،مالدہ اور ریاست بھر کے سرکاری اسپتالوں میں ہڑتال کی وجہ سے مریضوں کا طویل قطار دیکھنے کو ملا۔اس بل کی وجہ سے میڈیکل کونسل کی جگہ نیشنل میڈیکل کمیشن کام کرے گی۔
طب کے شعبے سے وابستہ افراد کی دلیل ہے کہ اس کمیشن کی وجہ سے ڈاکٹر کمیونیٹی پر دباؤ میں اضافہ ہوگا اور اس طب کے شعبہ سے وابستہ افرادکی سفارشوں کو نظر انداز کردیا گیاہے اس کے علاوہ اس بل کی وجہ سے شفافیت آنے کے بجائے چالاک لوگوں کو فائدہ پہنچے گا۔
آئی ایم اے نے اس بل کو غریب، طلباء مخالف قرار دیتے ہوئے کہا ہے کہ یہ غیر جمہوری بل ہے۔
