آج مغربی بنگال ریاستی اسمبلی میں کانگریس کے رکن اسمبلی منوج چکرورتی پر ریاستی جونیئر منسٹر تاپس رائے تیور چڑھاتے ہوئے ان کی طرف مارنے دوڑ گئے جس پر آج برہمی کا اظہار کرتے ہوئے اپوزیشن کے ارکان اسمبلی نے اجلاس سے واک آؤٹ کیا۔
ذرائع کے مطابق اسپیکر بمان بنرجی اور پارتھو چٹرجی کی ایما پر تاپس رائے نے منوج چکرورتی سے اپنے سلوک پر معافی طلب کی۔
آج بجٹ پر گورنر کے خطاب پر چرچا ہونے والا تھا جب اپوزیشن کے ارکان اسمبلی کے اجلاس میں پہنچے تو دیکھا کہ ریاستی حکومت کے کئی وزراء غیر موجود ہیں روایت کے مطابق اس موقع پر کم از کم ریاست کے 6 وزراء کی موجودگی ضروری ہوتی ہے
لیکن وزراء کی موجودگی پر اسپیکر نے ان کو طلب کیا اسی وقت فون پر بات کرتے ہوئے جونئیر منسٹر تاپس رائے اسمبلی میں داخل ہو رہے تھے منوج چکرورتی نے ان سے یہ جاننے کی کوشش کی کہ دوسرے وزراء کہا ہیں جس میں تاپس رائے آپے سے باہر ہو گئے اور تیور چڑھا کر منوج چکرورتی کی طرف بڑھنے لگے اس،کے خلاف اسی وقت احتجاج کرتے ہوئے اپوزیشن کے ارکان اسمبلی نے اجلاس سے واک آؤٹ کر دیا ۔
اس،واقعہ کے بعد منوج چکرورتی نے میڈیا سے بات کرتے ہوئے کہا کہ پارلیمانی روایات کی پاسداری کی یاد دہانی کرانے پر تاپس رائے میرے طرف چڑھ دوڑے اپوزیشن کا کہنا ہے کہ اس طرح کے واقعات پہلے بھی ہوچکے ہیں اور آئندہ بھی ہونگے بجٹ کو لیکر جو بحث ہے وہی اپوزیشن کا سرمایہ ہے جہاں ہمیں کچھ بولنے کا موقع ملتا ہے ہم اس واقعہ کی پر زور مذمت کرتے ہیں۔
