ادبیات بنگالہ، جہات و امکانات کے موضوع پر سمینار

کولکاتا کا تاریخی ادارہ مسلم انسٹی ٹیوٹ جو اردو زبان و ادب کی خدمات کے سلسلے میں برسوں سے سرگرم ہے۔

اردو ادب کے مختلف موضوعات پر سمینار اور اعلیٰ سطحی مشاعرے کی وجہ سے مسلم انسٹیٹیوٹ کو تاریخی حیثیت حاصل ہے۔
مغربی بنگال میں گزشتہ دس برسوں کے دوران اردو زبان و ادب کی ترقی و ترویج کا احاطہ کرنے کی غرض سے مسلم انسٹیٹیوٹ کی لٹریری سب کمیٹی کی نے ’ادبیات بنگالہ جہات و امکانات‘ کے عنوان سے قومی سمینار منعقد کیا۔
سمینار میں مختلف ریاستوں سے مقالہ نگاروں نے شرکت کی اور مغربی بنگال کے اردو ادب سے مختلف موضوعات پر مقالے پیش کئے۔
دو روزہ قومی سیمینار کی صدارت بزرگ شاعر قیصر شمیم نے کی جبکہ مہمان خصوصی کے طور پر خورشید اکرم (ڈپٹی ڈائریکٹر دوردرشن، نئی دہلی) نے شرکت کی اور نظامت کے فرائض لٹریری سب کمیٹی کے جنرل سیکرٹری ڈاکٹر نوشاد مومن نے انجام دےئے۔
ڈاکٹر منصور عالم، حقانی القاسمی، ڈاکٹر درخشاں زریں، ڈاکٹر نسیم احمد نسیم، مقصود دانش، ڈاکٹر عمر غزالی، ڈاکٹر نیلوفر فردوس، خورشید اکرم، ڈاکٹر احمد کفیل، ظہیر انور، ڈاکٹر سنجر ہلال بھارتی، ڈاکٹر امتیاز وحید، ڈاکٹر عبدالحئی، ڈاکٹر سید علی عرفان نقوی، ڈاکٹر غالب نشتر نے مختلف موضوعات پر مقالے پیش کئے۔
لٹریری سب کمیٹی کے جنرل سیکرٹری ڈاکٹر نوشاد مومن نے اس موقع پر ای ٹی وی بھارت کو بتایا کہ عام طور سمینارز میں کسی شخصیت کے حیات و فن پر بحث کی جاتی ہے لیکن اردو ادب میں رونما ہورہی تبدیلیوں کا انکشاف ہونا بھی ضروری ہے۔