ریاست مغربی بنگال میں رواں ماہ کے آخر میں 30 اکتوبر کو چار اسمبلی حلقوں میں ہونے والے ضمنی انتخابات کے تعلق سیاسی سرگرمیاں کافی تیز ہو گئی ہے۔
حکمراں جماعت ترنمول کانگریس جہاں ایک طرف تمام اسمبلی حلقوں میں اپنی جیت کا دعویٰ کر ی رہی ہے تو دوسری جانب کانگریس، لفٹ فرنٹ اور بی جے پی نے اپنی اپنی موجودگی کا احساس دلانے کی کوشش تیز کر دی ہے۔
جنوبی 24 پرگنہ ترنمول کانگریس کے مشہور سیاسی رہنما اور سماجی کارکن رفیق الاسلام نے کہاکہ ممتابنرجی گزشتہ دس برسوں سے عوام کی فلاح و بہبود کے کاموں کی وجہ سے مشہور ہین۔ ان ہی کاموں کی بدولت اسمبلی انتخابات میں تاریخی جیت حاصل ہوئی اور امید ہے کہ ضمنی انتخابات میں بھی یکطرفہ کامیابی ملے گی۔
انہوں نے کہاکہ شمالی 24 پرگنہ کے کھردہ، جنوبی 24 پرگنہ کے گوسابا آئی لینڈ (جزیرہ ) میں ترنمول کانگریس کے امیدوار کو ریکارڈ جیت ملے گی۔ اپوزیشن جماعتوں کے امیدواروں کی ضمانت بھی ضبط ہو سکتی ہے۔
انہوں نے کہاکہ چاروں اسمبلی حلقوں میں تجربہ کار سیاسی رہنماؤں کو انتخابی میدان میں اتارا گیا ہے اور یہ لوگ عوام میں بے حد مقبول ہیں۔ انہیں کام کرنے کا وسیع تجربہ ہے اس سے عوام کافی فائدہ ہو سکتا ہے۔
- مزید پڑھیں: بھارت - بنگلہ دیش سرحد سے متصل اضلاع میں آئی بی کی جانب سے الرٹ
- ممتا بنرجی 28 اکتوبر کو گوا کے تین روزہ دورے پر روانہ ہوں گی
دوسری طرف گزشتہ تین اسمبلی حلقوں کی طرح 30 اکتوبر کو چار سیٹوں پر ہونے والے ضمنی انتخابات میں بھی ترنمول کانگریس کا صرف بی جے پی سے ہی مقابلہ ہو سکتا ہے۔ کانگریس اور لفٹ فرنٹ کی انتخابی مہم سست روی کا شکار ہے۔
