پارٹی میں کون آئے گا اور کون نہیں اس کا فیصلہ ممتابنرجی کریں گی: کلیان بنرجی

شری رامپور سے ترنمول کانگریس کے رکن پارلیمان ایڈوکیٹ کلیان بنرجی نے راجیب بنرجی کی پارٹی میں واپسی کو لے کر کچھ بھی کہنے سے انکار کر دیا ہے۔

مغربی بنگال کے ہگلی ضلع کے شری رام پور سے ترنمول کانگریس کے رکن پارلیمان کلیان بنرجی نے راجیب بنرجی کی جم کر تنقید کی۔ انہوں نے کہا کہ اسمبلی انتخابات کے نتائج کے بعد ریاست کی سیاست میں امید کے مطابق تھوڑی تبدیلی آئی ہے۔ یہ پہلے سے معلوم تھا۔ اس کو لے کر زیادہ کچھ کہنا بھی نہیں چاہیے۔

رکن پارلیمان کا کہنا ہے کہ اسمبلی انتخابات سے پہلے اور نتائج برآمد ہونے تک ترنمول کانگریس کو چھوڑ کر بی جے پی میں شامل ہونے والوں نے بیان بازی کے معاملے تمام حدیں پار کر گئے تھے۔ یہ سب کو معلوم ہے۔ جہاں تک پارٹی میں دوبارہ شامل ہونے کی بات ہے تو اس بارے میں کچھ بھی نہیں کہہ سکتا ہے۔

ترنمول کانگریس کے رکن پارلیمان ایڈوکیٹ کلیان بنرجی نے کہا کہ پارٹی میں کون آئے گا اور کون نہیں آئے گا؟ اس کا فیصلہ وزیراعلیٰ ممتابنرجی کریں گی۔ اس سلسلے میں پارٹی کے سربراہ کے علاوہ کوئی کچھ بھی نہیں کہہ سکتا ہے۔

رکن پارلیمان کا کہنا ہے کہ ترنمول کانگریس کے قومی ترجمان کنال گھوش اور راجیب بنرجی کے درمیان کس بنیاد پر ملاقات ہوئی ہے، اس لئے میں بھی کچھ کہا نہیں جا سکتا ہے۔

انہوں نے کہا کہ اتنا ضرور کہنا چاہوں گا کہ اسمبلی انتخابات کے دودان راجیب بنرجی کی کہی ہوئی تمام باتوں کو ریکارڈ کرکے رکھا گیا ہے، ضرورت پڑنے پر منظر عام پر لایا جائے گا۔

رکن پارلیمان کا کہنا ہے کہ اسمبلی انتخابات راجیب بنرجی کو 43 ہزار ووٹوں سے شکست دے کر انہیں ان کی سیاسی اہمیت بتا دی گئی ہے۔