دلیپ گھوش نے بنگال اسمبلی میں بی جے پی ممبران اسمبلی سے ملاقات کی

بی جے پی کے سابق ریاستی صدر و ممبر پارلیمنٹ دلیپ گھوش آج بنگال اسمبلی میں اپنی پارٹی کے ممبران سے ملاقات کی۔ مگر اس ملاقات میں اپوزیشن لیڈر شبھندو ادھیکاری موجود نہیں تھے۔ نندی گرام سے بی جے پی کے ممبر اسمبلی شوبھندو ادھیکاری مدنی پور کے بی جے پی ایم پی دلیپ کے پہنچنے سے 40 منٹ قبل اسمبلی سے نکل گئے۔ MP Dilip Ghosh Meet MLAs

کولکاتا: مغربی بنگال بی جے پی کے سرکردہ رہنما دلیپ گھوش سے ملاقات کے دوران بی جے پی کے زیادہ تر ممبراسمبلی موجود تھے۔جس میں بی جے پی کے چیف وب منوج تیگا، جمعہ کی دوپہر کو ہونے والی شائستہ میٹنگ میں موجود تھے۔ دلیپ کو اپوزیشن لیڈر کے کمرے میں اپنی ہی کرسی کے ساتھ والی دوسری کرسی پر بیٹھنے کا انتظام کیا گیا تھا۔

دلیپ گھوش کواسمبلی میں بالور گھاٹ سے بی جے پی کے ممبر اسمبلی اشوک لہڑی سے بات کرتے ہوئے دیکھا گیا۔ پانچ ریاستوں کے اسمبلی انتخابات کے ممکنہ نتائج کے بارے میں پوچھے جانے پر انہوں نے کہاکہ ایک دن اور باقی ہے۔ تو آج مزید تبصرے نہیں۔ جو بھی ہوگا اچھا ہوگا۔ مودی حکومت دوبارہ مرکز میں واپس آئے گی۔ ملک جس طرح چل رہا ہے، چلتا رہے گا۔