'اللہ انسانوں کو آزمائش میں ڈال کر صبر کا امتحان لیتا ہے' بنگال کابینی وزیر

کابینی وزیر جاوید احمد خان نے کہا کہ انسان کتنی بھی جدید ٹیکنالوجی ایجاد کرلے لیکن اللہ کی ایک آزمائش کے سامنے بے کار ہے۔

ریاست مغربی بنگال کے مختلف ہسپتالوں میں کورونا وائرس کے سبب خون کی قلت کی خبریں ملتی رہتی ہیں۔ اسی دوران سماج میں چند ایسے لوگ ہوتے ہیں جو خون عطیہ کیمپ کا انعقاد کرکے عوام کی خدمات کرتے ہیں۔

بنگال کابینہ کے وزیر جاوید احمد خان نے عوامی جلسے کو خطاب کرتے ہوئے کہا کہ انسان کتنی بھی جدید ٹیکنالوجی ایجاد کرلے لیکن اللہ کی ایک آزمائش کے سامنے بے کار ہے۔

جاوید احمد خان کا کہنا ہے کہ انسانوں نے دور جدید میں اتنی ترقی کر لی ہے جس کی کوئی مثال نہیں ملتی ہے، انسان چاند سے لے کر سیارے تک پہنچ چکا ہے اور اس کی خواہش کا تعاقب اب بھی جاری ہے۔

minister javed ahmed khan

انہوں نے کہا کہ 5 جی آرہا ہے جس کے ذریعہ بیڈ روم کی باتیں سنی جا سکتی ہیں، انسانوں کی تمام ترقی کے درمیان ایک ایسا وائرس جسے نہ کوئی دیکھ سکتا ہےاور نہ اسے احساس کیا جا سکتا ہے، یہ وائرس خاموشی سے آتا ہے اور لوگوں کو خاموش کرکے چلا جاتا ہے۔ریاستی وزیر نے کہا کہ اللہ کی ایک چھوٹی آزمائش کے سامنے ساری دنیا ہیچ ہے، سارے طاقتور ممالک نے اس ایک وائرس کے سامنے اپنے آپ کو خودسپردگی کردیا ہے۔انہوں نے کہا کہ خون عطیہ کیمپ کے انعقاد کرنے والے ہی سماج کے اصل ہیرو ہیں، ان کی ایک کوشش سے لوگوں کی جان بچائی جا سکتی ہے۔