مغربی بنگال کی وزیر اعلیٰ نے کہا کہ ہلاک ہونے والوں کے لواحقین تک ہر ضروری مدد فراہم کی جائے گی۔
ممتا بنرجی نے ٹوئٹ کیا کہ 'ہم کشمیر میں ہلاکتوں پر حیران اور گہرے صدمے میں ہیں۔ مرشد آباد کے 5 مزدور ہلاک ہو گئے، الفاظ لواحقین کے غم کو دور نہیں کرسکتے۔ اس المناک صورتحال میں اہل خانہ تک ہر طرح کی مدد کی جائے گی۔'
پولیس نے بتایا کہ 'عسکریت پسندوں نے منگل کے روز کولگام کے علاقے میں پانچ مزدوروں کو ہلاک اور ایک کو زخمی کردیا۔'
سی آر پی ایف نے بتایا کہ 'نامعلوم عسکریت پسندوں نے 5 مزدوروں کو گولی مار کر ہلاک اور ایک کو زخمی کردیا۔ زخمی کو اننت ناگ کے ضلع ہسپتال منتقل کیا گیا۔ تمام مزدور مغربی بنگال کے مرشد آباد سے تھے۔'
انہوں نے مزید کہا کہ '18 بٹالین آرمی اور جے کے پی کے دستے موقع پر پہنچ گئے اور علاقے کو محاصرہ میں لے لیا اور سرچ آپریشن شروع کردیا ہے۔'
