ایسٹ ویسٹ میٹرو کی تمام دشواریاں دور کرنے کے بعد سالٹ لیک سیکٹر 5 سے 'یوا بھارتی اسٹیڈیم' تک ایک بار پھر ٹرائل کیا گیا۔
دو دنوں تک ٹرائل جاری رہا اور سالٹ لیک ٹریک پر میٹرو ٹرین چلائی گئی، اس سے قبل بھی جاری ماہ کے 25 تاریخ کو تین دنوں تک ٹرائل جاری رہا تھا۔
کولکاتا میٹرو ریل کارپوریشن لیمیٹیڈ کے ذرائع کے مطابق 'گزشتہ ٹرائل میں جو خامیاں سامنے آئیں تھیں اس بار ٹرائل کرکے دیکھا گیا، اس میں بہتری آئی ہے۔
ذرائع کے مطابق 'گزشتہ ٹرائل میں اگر سب چیزیں بہتر ہوتی تو اسی ماہ سالٹ لیک سیکٹر 5 میٹرو ٹرین کا افتتاح کیا جا سکتا تھا'۔
لیکن اب ایسا مانا جا رہا ہے کہ سب کچھ منصوبے کے مطابق رہا تو اسی سال کولکاتا ایسٹ ویسٹ میٹرو کے پہلے مرحلے سالٹ لیک سیکٹر 5 میٹرو کا افتتاح کیا جا سکتا ہے ۔
کولکاتا میٹرو کی رائے عامہ کی افسر اندرانی بنرجی نے کہا کہ 'دو دنوں کے ٹرائل میں جمعہ کو اس پر رپورٹ ہمیں مل جائے گی پہلے دن 12 بجے سے 4 بجے تک اور دوسرے دن جمعرات کو شام 3 بجے سے 7 بجے ٹرائل رن جاری رہا۔
انہوں نے مزید کہا کہ 'اس کے علاوہ سگنلنگ، بورڈ ٹائم ٹیبل، ٹکٹ کاؤنٹ، لگج اسکینر مشین، ٹکٹ پنچنگ مشین، پلیٹ فارم پر اسکرین ڈور اور دوسرے مشینوں کا بھی جائزہ لیا گیا۔'
ذرائع کے مطابق 'پلیٹ فارم اسکرین ڈور ریک کے دروازے کے سامنے کھلنے میں پریشانی ہو رہی تھی۔
دراصل 'میٹرو کا دروازہ کھلنے کے ایک منٹ بعد اسکرین ڈور کھل رہا تھا اس بار اس خامی کو دور کرنے کی کوشش کی گئی۔
کولکاتا میٹرو ریل سالٹ لیک پہلے مرحلے کی خدمات عام لوگوں کے لئے شروع کرنے سے قبل بار بار ٹرائل کیا جا رہا ہے۔
