مغربی بنگال میں تہواروں کا موسم ختم ہوتے ہی سیاست کا بازار گرم ہو گیا ہے۔
جنوبی دیناج پور کے بالور گھاٹ بس اسٹینڈ کے قریب کانگریس نے کسان قانون کی مخالفت کرتےہوئے مرکزی حکومت کے خلاف احتجاج کیا۔
ضلع کانگریس صدر انجن چودھری نے جلسے کو خطاب کرتے ہوئے کہا کہ “مرکزی حکومت کی پالیسی کے خلاف پورے ملک میں احتجاج کیا جا رہا ہے۔”
انہوں نے کہا کہ ‘کسان قانون کو لے کر سیاست نہیں کی جا رہی ہے، اس سے کسانوں کو جو نقصان ہونے والا ہے اس کی مخالفت کی جا رہی ہے۔’
کانگریس کے رہنما کا کہنا ہے کہ ‘پورے ملک میں مرکزی حکومت کے خلاف احتجاج کیا جا رہا ہے لیکن ان پر کوئی اثر ہی نہیں پڑ رہا ہے۔’
کانگریس ضلع صدر کے مطابق کسانوں کو بہت نقصان ہو رہا ہے، کسان مالی بحران میں مبتلا ہونے لگے ہیں حکومت کو اس کی کوئی فکر نہیں ہے۔'
انہوں نے کہا کہ ‘پورے ملک کی طرح مغربی بنگال میں بھی مرکزی حکومت کے خلاف بڑے پیمانے پر احتجاج جاری ہے۔’
کانگریس پردیش صدر ادھیر رنجن چودھری کی قیادت میں مرکزی حکومت کی پالیسیوں کے خلاف احتجاجی جلوس کا اہتمام کیا جا رہا ہے۔
واضح رہے کہ مغربی بنگال کے بیشتر اضلاع میں کانگریس کی جانب سے مرکزی حکومت کی پالیسیوں کے خلاف آواز بلند کی جا رہی ہے۔
