مغربی بنگال پردیش کانگریس کے صدر ادھیررنجن چودھری نے کہاکہ مغربی بنگال میں انفورسمنٹ ڈائریکٹوریٹ اورسی بی آئی کا جوکھیل شروع شروع ہوا ہےوہ کہاں جاکر ختم ہوگا اس کے بارے میں کسی کوئی علم نہیں ہے لیکن ایک بات ضرور ہے کہ مغربی بنگال میں آنے والے دنوں میں بہت کچھ ہو سکتا ہے۔Congress MP Adhir Ranjan Chowdhary Reaction On Huge Cash Recovery In garden reach
انہوں نے کہاکہ پہلے مرحلے میں حکمراں جماعت ترنمول کانگریس کے رہنماوں کے گھروں سے بستہ بستہ روپے برآمد کئے گئے دوسرے مرحلے میں کاروباریوں کے گھروں سے نوٹوں کا ذخیرہ برآمد کئے جارہے ہیں۔انفورسمنٹ ڈائریکٹوڑیٹ اور سی بی آئی کی کارروائی میں صرف اور صف ایک ہی سیاسی جماعت کانام سامنے آر ہاہے ۔وہ خاموش تماشائی بنی ہوئی ہے۔
کانگریس کے رہنما کے مطابق انکوائری میں شفافیت نہیں ہے ورنہ مغربی بنگال کی حکمراں جماعت کے ناجانے کتنے رہنما جیل کی سلاخوں کے پیچھے ہوں گے۔بیشتر رہنماوںکے نام بدعنوانی کے معاملے میں ملوث ہیں۔ان کے خلاف کارروائی ہونی چاہئے.
یہ بھی پڑھیں:MP Adhir Ranjan Choudhry مغربی بنگال پولیس پر بھروسہ نہیں
واضح رہے کہ مغربی بنگال میں انفورسمنٹ ڈائریکٹوریٹ اور سی بی آئی کی چھاپہ ماری مہم جاری ہے۔دارالحکومت کولکاتا کے تین اہم مقامات پارک اسٹریٹ ،مومن پور اور گارڈن ریچ میں انفورسمنٹ ڈائریکٹوریٹ کی جانب سے خصوصی چھاپہ ماری مہم چلائی گئی۔گارڈن ریچ میں انفورسمنٹ ڈائریکٹوریٹ کی چھاپہ ماری مہم کے دوران ایک کاروباری کے مکان سے اب تک 12 کروڑ روپے نقد برآمد ہو چکے ہیں۔
