کولکاتا:مغربی بنگال کی وزیر اعلیٰ ممتابنرجی کی قیادت میں نبنو میں 15 محکموں کی ایک جائزہ میٹنگ ہوئی۔ اس میٹنگ میں یہ فیصلہ کیا گیا کہ محکمہ داخلہ جلد ہی ایک پالیسی بنائے گا کہ ان سویک والنٹیئرز کو کانسٹیبل کے عہدے پر کیسے ترقی دی جائے۔ آج کی میٹنگ میں فیصلہ کیا گیا کہ سوک والنٹیئر میں سے جو اچھا کام کرے گا انہیں کانسٹیبل کے عہدے پر ترقی دی جائے۔ ہوم ڈیپارٹمنٹ (ڈبلیو بی پولیس کانسٹیبل پوسٹ) اس کے لئے ضروری پالیسیاں بنائے گا۔
ذرائع کے مطابق مختلف تھانوں کے سویک والنٹیئرز کے کام کاج کی معلومات پہلے ضلع کے سپرنٹنڈنٹ آف پولیس کو بھیجی جائیں گی۔ ایس پی اپنی فہرست نبنو کو بھیجیں گے۔ اس فہرست کی بنیاد پر محکمہ داخلہ فیصلہ کرے گا کہ کس کو اس عہدے پر ترقی دی جائے گی۔ ریاستی حکومت کے پاس ابھی تک سویک والنٹیئرز کو کانسٹیبل کے عہدے پر ترقی دینے کے بارے میں کوئی خاص پالیسی نہیں ہے۔ وزیر اعلیٰ ممتا بنرجی نے اس فیصلے کو جلد از جلد لاگو کرنے کا حکم جاری کیا ہے۔ غور طلب ہے کہ نبنو میں وزیر اعلیٰ کی قیادت میں مختلف محکموں کے ساتھ جائزہ میٹنگ ہوئی۔
یہ بھی پڑھیں:CM Mamata Banerjee On DA Issue مشکلات کے باوجود ملازمین کو وقت پر تنخواہ دی جارہی ہے، وزیراعلیٰ ممتا بنرجی
