ریاستی وزیر امت مترا نے کہا کہ انھوں نے مرکزی وزیر خزانہ نرملا سیتا رمن کو خط لکھ کر جی ایس ٹی کونسل میں طے ہوئی باتوں پر عمل کرنے پر زور دیاہے. انہوں نے کہا کہ جی ایس ٹی کونسل کے تحت مرکزی حکومت مغربی بنگال کو 1.10 لاکھ کروڑ روپے ادا کرنا ہے. مرکزی حکومت کو پہلے مرحلے میں 72000 ہزار کروڑ روپے 2021 میں ادا کرنا ہے۔ 2022 کی شروعات میں مغربی بنگال کی حکومت بقیہ رقم حاصل کرے گی لیکن اس سلسلے میں مرکزی وزیر کو ٹھوس قدم اٹھانے کی ضرورت ہے۔
ریاستی وزیر امت مترا کے مطابق امپھان طوفان اور کورونا وائرس کے سبب مغربی بنگال پہلے ہی زبردست مالی خسارے میں ہے. ریاستی حکومت کو اگر جی ایس ٹی کونسل سے رقم نہیں ملی تو پریشانیوں میں مزید اضافہ ہو جائے گا. انہوں نے کہا کہ اس لئے 'ہمیں ہماری رقم واپس چاہئے اور جلد سے جلد اس مسئلے کا حل نکالنے کی کوشش کرنی ہوگی'.
یہ بھی پڑھیں:مرشدآباد: جاوپور فلائی اوور بریج کا کام تعطل کا شکار
