کلکتہ ہائی کورٹ کے جسٹس مدھومیتا مترا نے راجیو کمار کی گرفتاری پر روک کی مدت میں 28اگست تک اضافہ کردیا ہیے۔اس مدت کے دوران کی گرفتاری عمل میں نہیں آ سکتی ہے۔
سی بی آئی کے وکیل نے عدالت سے کہا تھاکہ ان کے سینئر وکیل اس وقت ایک دوسرے کیس کے معاملے میں شہر سے باہر ہیں۔ ان کے وکیل کی غیرموجودگی کے سبب سابق پولیس کمشنرکے حق میں فیصلہ سنانے سے قبل اس پر غور کیاجائے۔
سی بی آئی کے وکیل نے اس کیس کی سماعت کو ملتوی کرنے کی درخواست کی تھی مگر عدالت نے درخواست نا منظور کرتے ہوئے 27 اگست کو اگلی سماعت کی تاریخ مقرر کی۔
راجیو کمار کو لوک سبھا انتخابات سے قبل ممتا حکومت نے سی آئی ڈی کے ایڈیشنل ڈائریکٹر جنرل مقرر کیا تھا۔تاہم انتخابی مہم کے دوران الیکشن کمیشن نے انہیں اس عہدہ سے ہٹاکر مرکزی وزارت داخلہ میں بھیج دیا تھا۔
واجح رہے کہ کولکاتاپولیس کے سابق پولیس کمشنر اور آ ئی پی ایس راجیو کمارپر شاردہ چٹ فنڈ بدعنوانی کیس میں اہم گواہوں کو گمراہ کرنے اور ثبوت مٹانے کا الزام ہے ۔
سی بی آئی نے کولکاتا پولیس کے سابق کمشنر راجیوکمار کی گرفتاری کے لیے سپریم کورٹ اور کلکتہ ہائی کورٹ میں عرضی داخل کررکھی ہے۔ راجیوکمار کو گرفتار کرکے ان سے پوچھ تاچھ کرنا چا ہتی ہے۔
