مغربی بنگال کے وزیر فرہاد حکیم نے کہا کہ بی جے پی آج نفرت کی سیاست کی راہ چھوڑ کر سماج کو باتنے کے ایجنڈے پر کام کر رہی ہے۔یہ نفرت کی سیاست سے بھی زیادہ خطرناک ہے۔Bengal Minister Firhad Hakim slam Cpim And BJP ریاستی وزیر نے کہا کہ بی جے پی اپوزیشن جماعتوں کو ختم کرنے کے لئے تمام سرکاری جانچ ایجنسیوں کا مکمل استعمال کر رہی ہے۔جو لوگ بی جے پی کی مخالفت کرتے ہیں انہیں جیل جانا پڑرہا ہے۔
انہوں نے کہا کہ بی جے پی کی قیادت والی مرکزی حکومت انفورسمنٹ ڈائرکٹوریٹ (ای ڈی) اور سی بی آئی کی مدد سے اپوزیشن جماعتوں کے بڑے بڑے رہنماؤں کوہدف بنارہی ہے۔ ان کاکہنا ہے کہ ہم عوام کی خدمت انجام دینے کے لئے سیاست میں آئے ہیں۔اس کے لئے ہی کام کرتے ہیں اور کرتے رہے گے۔اس کے لئے اگر جیل بھی جانا پڑے تو جانے کے لئے تیار ہیں۔وہ جیل جانے سے ڈرتے نہیں ہیں۔
یہ بھی پڑھیں:CM Mamata Banerjee بنگال میں تمام مذاہب کے لوگوں کو یکساں آزادی حاصل ہے
کولکاتا میونسپل کارپوریشن کے میئر فرہاد حکیم نے کہا کہ سب سے حیرت کی بات یہ ہے کہ34 برسوں تک حکومت کرنے سی پی آئی ایم بی جے پی کے ساتھ مل کر ریاست بنگال اور بنگال کے لوگوں کو نقصان پہنچانے کی سازش کا حصہ بن چکی ہے۔بنگال کے لوگوں کو بی جے پی کے ساتھ ساتھ سی پی آئی ایم کے خلاف آواز بلند کرنا چاہئے۔سی پی آئی ایم سے ہوشیار رہنے کی ضرورت ہے۔سی پی آئی ایم سیاسی ہدف کو حاصل کرنے کے لئےکچھ بھی کرسکتی ہے۔
