مغربی بنگال اسمبلی انتخابات کی تیاریاں عروج پر ہے جہاں سیاسی جماعتیں ووٹرز کو راغب کرنے کے لیے ہر ہتھکنڈے اپنارہی ہیں۔ وہیں ووٹرز بھی اپنی رائے کھل کر رکھ رہے ہیں۔ کولکاتا کے بالی گنج اسمبلی حلقہ کے ووٹروں کو لگتا ہے کہ ترنمول کانگریس کی حکومت نے کام تو کیا لیکن اس دوران نوجوانوں کو روزگار کے مواقع زیادہ نہیں ملے۔ بالی گنج ووٹرز کا کہنا ہے کہ وہ ریاست میں امن و امان چاہتے ہیں۔
ای ٹی وی بھارت کے نمائندے نے مقامی باشندوں سے ان کی رائے جاننے کی کوشش، جس پر بالی گنج کے ووٹرز نے کہا کہ' ممتا بنرجی کی دس سالہ حکومت میں ہوئے ترقیاتی کام اور ان خوبیوں اور خامیوں پر تفصیل سے بات کی۔
بالی گنج کے ووٹرز کا کہنا ہے کہ ممتا بنرجی کی حکومت نے بہت کچھ کیا ہے لیکن کچھ کمی بھی رہ گئی ہے۔ بالی گنج اسمبلی حلقہ کے ایک ووٹر غلام شبیر نے بتایا کہ اس بار جس کونسی پارٹی اقتدار میں آئے گی یہ تو وقت آنے پر پتہ چلے گا لیکن ہم ووٹ ان امیدواروں کو دیں گے جو ایماندار ہوں اچھے کام کریں تاکہ ریاست میں امن ہو نوجوانوں کو روزگار ملے۔ انہوں نے موجودہ حکومت کے متعلق کہا کہ وہ موجودہ حکومت کے کام سے اطمنام کا ظہار کیا۔ انہوں کہا کہ ہم چاہتے ہیں کہ ہمارے جو تعلیمی مسائل ہیں ان کا حل ہو۔'
ایک نوجوان ووٹر محمد شہباز نے بتایا کہ وہ چاہتا ہے کہ ریاست میں امن کی فضا برقرار رہے اور ایک بار پھر سے ممتا بنرجی کی حکومت بنے کیوں کہ ممتا بنرجی کی حکومت نے بہت کام کیا ہے۔ سڑک، بجلی پانی کی سہولیات بہتر ہوئیں ہیں۔ لڑکیوں کی تعلیم کے لیے کام کیا گیا ہے۔ اسکولوں میں تعلیمی نظام بہتر ہوا ہے۔ کنیا شری روپا شری جیسے اسکیموں سے لڑکیوں کو فائدہ ہوا اور وہ ممتا بنرجی کے کام سے مطمعین ہیں اور ایک بار پھر ممتا بنرجی کو ہی وزیر اعلی طور پر دیکھنا چاہتے ہیں۔'
اس موقعے پر دیگر نوجوان ووٹر نے کہا ممتا بنرجی کی حکومت نے کام تو کیا ہے لیکن بےروزگاری دور کرنے پر کوئی خاص توجہ نہیں دی گئی ہے۔ نوجوانوں کے پاس روزگار نہیں ہیں زیادہ تر نوجوان ذاتی طور پر چھوٹے موٹے کاروبار یا پرائیویٹ نوکریا کر رہے ہیں، ڈیلیوری بوئے کا کام کر رہے ہیں۔ ہمیں پولیس پریشان کرتی ہے۔ ممتا بنرجی اگر حکومت میں آئیں تو انہیں نوجوانوں کے روزگار کے سلسلے میں کام کرنا چاہیے۔
