مغربی بنگال میں اسمبلی انتخابات کے پیش نظر سیاسی جماعتوں کی باہمی کھینچ تان کے درمیان ٹالی ووڈ سے منسلک شخصیات کو برسوں پرانے بیان کو لے کر سیاسی آگ کی بھٹی میں جھونکنے کی کوشش کی جا رہی ہے۔
بی جے پی کی لیگل سیل وکیل نے اداکارہ دیبولینا دتہ اور ہدایت کار آنند مکھرجی پر مذہبی جذبات کو ٹھیس پہنچانے کا الزام لگاتے ہوئے ایف آئی آر درج کرائی۔
بی جے پی لیگل سیل کے وکیل ترونجیت تیواری نے کہا اداکارہ دیبولینا دتہ ایک ٹی وی شو کے دوران گوشت کھانے اور پکانے کے حوالے سے متنازع بیان دے کر ہندوؤں کے مذہبی جذبات کو ٹھیس پہنچانے کی کوشش کی تھی۔
انہوں نے کہا کہ اس ٹی وی شو کے دوران بی جے پی کے ریاستی صدر دلیپ گھوش بھی موجود تھے۔ اس واقعہ کے پانچ مہینہ بعد منتازع بیان بازی کرنے والوں کے خلاف شکایت درج کرانے کا فیصلہ کیا گیا ہے۔
بی جے پی کی لیگل سیل کے وکیل نے ہدایت کار آنند مکھرجی نے اس شو کو ڈائریکٹ کیا تھا، اس لیے ان کے خلاف بھی شکایت درج کرائی گئی ہے۔
اداکارہ دیبولینا دتہ کو جان سے مارنے اور عصمت دری کی مسلسل دھمکی دی جا رہی ہے۔ وزیر اعلی ممتا بنرجی اداکارہ کے دفاع میں آگئی ہیں۔ وزیراعلی ممتا بنرجی نے کہا کہ میرے رہتے ہوئے اداکارہ دیبولینا دتہ کو ہاتھ لگا نہیں سکتا ہے۔
